Áliia Nazarbaevanyń paiymdaýynsha, qazaqstandyq biznesmender "jasyl jolǵa" túsip, alda kele jatqan ózgeristerge daiyn bolýy tiis.
Qazaqstan prezidentiniń kenje qyzy Astanada sóilegen sózinde jańa Ekologiialyq kodekste "jasyl ekonomika" terminin zańmen bekitip, kvota berý jáne kómirtek birligin satý júiesin qaita iske qosýdy usyndy, dep jazady Sputnik Kazakhstan.
"Ekologiialyq retteýge qatysty ustanymymyzdy qaita qaraýymyz kerek. Oiymdy túsindire ketsem, men bizneske joǵary ekologiialyq talaptar qoiýdy surap otyrǵan joqpyn. Memleket biznestiń "jasyl jolǵa" qadam basýy úshin tiimdi yntalandyrý jasaýy tiis. Mysaly, Elbasynyń tapsyrmasymen qurylyp jatqan jasyl tehnologiialar men investitsiialyq jobalar halyqaralyq ortalyǵy "jasyl" tehnologiiany engizýge úlesin qosyp, "jasyl" bizneske jol ashýy qajet", — dedi ekologiialyq uiymdar qaýymdastyǵy prezidiýmynyń tóraiymy Áliia Nazarbaeva.
Onyń málimdeýinshe, sońǵy kezderi ekologiianyń nasharlaýy halyqqa kún saiyn keri áserin tigizip jatyr. Buǵan ishinara qazirgi ekologiialyq zańnamanyń qaýqarsyzdyǵy da aiypty. Áliia Nazarbaeva aityp ótkendei, 2007 jyly qabyldanǵaly beri Ekologiialyq kodekske 63 ret ózgertý engizilgen.
Nazarbaevanyń pikirinshe, 2030 jylǵa deiin parniktik gazdardyń bóliný mólsherin 15%-ǵa deiin qysqartý mindeti Qazaqstan úshin birshama táýekelderge ákep soǵady. Paiymdaýlarǵa sáikes, klimattyń ózgerýi boiynsha BUU konventsiiasy aiasyndaǵy konferentsiiada elderdi óz mindettilikterin oryndaýǵa májbúrleýi múmkin.
"Otandyq bizneste 2020 jyly óziniń shekteýleri, táýekelderi men paidasy bar jańa orta qalyptasady. Ulttyq mindettemeler oryndalmasa, otandyq taýarlar álem naryǵyna shyǵarylmai, olarǵa qarsy ekonomikalyq sanktsiia qabyldanýy múmkin", — deidi Nazarbaeva.
