Biyl birinshi synyp oqýshylary 1-2 toqsanda «Álippe», al 3-4 toqsanda «Ana tilin» oqidy. Bul týraly Bilim jáne ǵylym ministri Ashat Aimaǵambetov Ortalyq kommýnikatsiialar alańynda ótken brifingte jýrnalistiń qoiǵan suraǵyna bergen jaýabynda málimdedi. Onyń aitýynsha, qazirgi ýaqytta baǵdarlama ázirlenip, bekitýge daiyn. Oqýlyq Ahmet Baitursynulynyń ádistemesi negizinde jasalady.
«Qazaq tiline tán qasietter, ózine tán máseleleri eskerile otyryp, daiyndalady. Mysaly, ońaidan kúrdelige kóshý. Dybystar boiynsha. Óitkeni qazaq tiliniń óziniń erekshelikteri bar. Óziniń fonetikalyq erekshelikteri bar. Ǵalymdarmen birlese otyryp, osy baǵdarlamany jasadyq. Mazmuny jaǵynan alyp qaraǵanda bul balalar úshin óte tiimdi bolady. Balalar daiyn mátinderdi ǵana oqymaý kerek. Olar 1-synypqa ártúrli deńgeimen keledi. Balalr oqýdy osy ádistememen bastaidy», - dedi QR BǴM ministri.
Vedomstvo basshysynyń aitýynsha, qazir tiisti daiyndyq jumystary qarqyndy júrgizilýde.
