Qazaqstan Respýblikasy Mádeniet jáne sport ministrliginiń uiymdastyrýymen 2020 jylǵy 14 aqpanda respýblika kóleminde Prezident Qasym-Jomart Toqaevtyń qazaq tili álipbiin jetildirý jónindegi tapsyrmasy boiynsha filolog ǵalymdr men til mamandary arasynda ashyq talqylaý sharasy ótedi.
Sharanyń maqsaty – orfografiialyq jumys toby ázirlegen álipbidiń jetildirilgen nusqalary men ózge de usynylǵan álipbi jobalaryn talqylaý.
Respýblikalyq kólemde barlyq óńirlerde ótetin ashyq talqylaý jergilikti Til basqarmalary arqyly uiymdastyrylyp, oǵan filolog ǵalymdarmen ádiskerler, joǵarǵy jáne orta bilim beretin oqý oryndarynyń til mamandary qatysady.
Talqylaý barysynda usynylǵan qorytyndylar men usynys, pikirler QR Mádeniet jáne sport ministrligi Til saiasaty komitetinde jinaqtalyp, oǵan monitoring júrgiziledi.
Monitoring qorytyndylary Ulttyq komissiia janyndaǵy Orfografiialyq, Terminologiialyq, Ádistemelik, Saraptama jáne Tehnikalyq súiemeldeý toptarynyń birlesken keńesine usynylyp, talqylanady.
Jumys tobynyń ǵalymdary usynylǵan álipbi jobalaryn talqylap, ǵylymi negizdememen qorytyndy shyǵaratyn bolady.
