Qazaqstandyq kásipqoi boksshy Jánibek Álimhanuly (6-0, 2KO) aldaǵy josparymen bólisti. Bul týraly "Qazaqstan kásipqoi boksy" Vkontakte paraqshasynda habarlandy.
"Men WBO reitingi boiynsha TOP-15 boksshylarmen kezdeskim keledi. Álem chempiony titýlyna jetý úshin maǵan reitingte kóterilýi kerek. Bul - meniń maqsatym", - dep jazdy Álimhanuly Instagram paraqshasynda.
Qazirgi ýaqytta Búkilálemdik boks uiymynyń (WBO) úzdik 15 boksshysynyń tizimi mynadai:
Chempion - Demetriýs Andrade (27-0, 17KO)
1. Gennadii Golovkin (38-1-1, 34KO)
2. Matsei Sýletski (28-1, 11KO)
3. Stiven Batler (27-1-1, 23KO)
4. Alantez Foks (25-1-1, 12KO)
5. Brendon Adams (21-2, 13KO)
6. Djeff Horn (19-1-1, 13KO)
7. Liýk Kiler (16-2-1, 5KO)
8. Liam Ýiliams (20-2-1, 15KO)
9. Riota Mýrata (14-2, 11KO)
10. Patris Volny (14-0, 9KO)
11. Sergei Derevianchenko (13-1, 10KO)
12. Marselo Esteban Koseres (27-0-1, 15KO)
13. Artem Chebotarev (6-0, 4KO)
14. Obodai Sai (35-3, 26KO)
15. Jánibek Álimhanuly (6-0, 2KO).
Eske sala ketsek, AQSh-tyń Los-Andjeles qalasynda bolǵan sońǵy jekpe-jeginde Jánibek Álimxanuly Kristian Olivasty (16-4, 13 KO) jeńip, eki titýldyq belbeýdi ielengen bolatyn.
