Orta salmaqtaǵy qazaqstandyq boksshy Jánibek Álimhanuly (10-0, 6 KO) kezekti ret WBO tujyrymy boiynsha álem chempiony amerikalyq Demetriýs Andrademen (30-0, 18 KO) jekpe-jek ótkizýdi talap etti, - dep habarlaidy Tengrinews.kz tilshisi Vesti.kz basylymyna silteme jasap.
"Eddi Hirn maǵan orta salmaqtaǵy chempionyńdy - Andradeni ber. Men ony titýlynan aiyramyn. Men divizion patshasymyn. Bob Arým, men daiyn", - dep jazypty Jánibek Twitter-de.
Eske salaiyq, qazaqstandyq boksshy maýsymda ótken keiingi jekpe-jeginde burynǵy álem chempiony amerikalyq Rob Brantty merziminen buryn jeńdi.
Jekpe-jekten keiin Álimhanuly WBO-nyń orta salmaqtaǵy chempiony amerikalyq Demetriýs Andradeni aiqasqa shaqyryp, jetinshi-segizinshi raýndta nokaýtqa túsirýge ýáde berdi.
