28 jastaǵy qazaqstandyq boksshy Jánibek Álimhanuly burynǵy álem chempiony 30 jastaǵy amerikalyq Rob Brantty jeńdi, - dep habarlaidy "Ult aqparat" Vesti.kz saityna silteme jasap.
Jekpe-jek Las-Vegasta (Nevada, AQSh) ótti, osy boks keshiniń basty jekpe-jeginde ýkrainalyq Vasilii Lomachenko (14-2, 10 KO) japoniialyq Masaeshi Nakatanimen (19-1, 13 KO) kezdesedi.
72,6 kelige deiingi salmaq dárejesindegi báseke 10 raýndqa josparlanǵan. Alaida Álimhanuly altynshy raýndta amerikalyqty nokdaýnǵa túsirdi. Al segizinshi raýndtan keiin Brant buryshy jekpe-jekti jalǵastyrýdan bas tartty.
Bul Álimhanulynyń on jekpe-jektegi onynshy jáne merziminen burynǵy altynshy jeńisi. Al Brant úshinshi ret jeńilip otyr, onyń qorjynynda 26 jeńis bar.
Aita keteiik, Álimhanuly óner kórsetetin orta salmaqta IBF jáne IBO nusqasy boiynsha álem chempiony - qazaqstandyq Gennadii Golovkin (41-1-1, 36 KO).
