Elordada 2017 jyldan beri aliment tólemei kelgen azamat ulyna 1 bólmeli páter satyp áperdi, dep habarlaidy "Ult aqparat".
«2017 jyldyń qarashasynda 2016 jylǵy sot buiryǵy negizinde azamat A-dan burynǵy áieline uldaryn baǵyp-qaǵýy úshin aliment óndirip alý týraly atqarýshylyq óndiris qozǵalǵan bolatyn. Sot buiryǵy túsken sátten qaýly negizinde 769 620 teńge qaryzdy óndirip alýdyń barlyq májbúrli sharalary qabyldandy», - dedi Nur-Sultan qalalyq jeke sot oryndaýshylary óńirlik palatasy basshysynyń orynbasary Madina Janasaeva.
Onyń aitýynsha, 2020 jyldyń jeltoqsanynda boryshker men óndirip alýshy alimentti tóleý týraly kelisimge kelip, onyń aiasynda boryshker aliment boiynsha negizgi jáne aldaǵy ýaqyttaǵy qaryzdarynyń esebinen ulyna páter satyp áperdi. Páter Aqmola oblysyna qarasty Qosshy eldi mekeninde ornalasqan. Osyǵan orai atqarýshylyq óndiris toqtatyldy.
