Batys Qazaqstan oblysynyń kámeletke tolmaǵandar isteri jónindegi mamandandyrylǵan aýdanaralyq sotynyń 2026 jylǵy 5 mamyrdaǵy úkimimen boryshker Qazaqstan Respýblikasy Qylmystyq kodeksiniń 139-baby (aliment tóleýden jaltarý) boiynsha kináli dep tanylyp, 6 ai merzimge bas bostandyǵynan aiyryldy, dep habarlaidy ult.kz.
Sotta sottalǵannyń bir jyldan astam ýaqyt boiy kámeletke tolmaǵan balasyn asyraý jónindegi sot sheshimin oryndaýdan jaltarǵany anyqtaldy. Nátijesinde aliment boiynsha 4 mln teńge kóleminde bereshek qalyptasqan.
Buǵan deiin boryshker osyǵan uqsas quqyqbuzýshylyq úshin qylmystyq jaýaptylyqqa tartylyp, alaida raqymshylyq aktisin qoldanýǵa bailanysty jazadan bosatylǵan. Soǵan qaramastan, tiisti qorytyndy jasamai, ata-analyq mindetterin oryndaýdan jaltarýyn jalǵastyrǵan.
Sot úkimi zańdy kúshine engen joq.
