Sýret: Vesti/Tambov
Qazaqstanda aliment óndirý isi boiynsha 292 myń atqarý óndirisi oryndalýda. Onyń ishinde 12 myńnan astam problemaly boryshker bar. Bul týraly QR Ádilet ministrliginiń resmi ókili Talǵat Ýáli aityp berdi.
Onyń aitýynsha, problemalyq boryshkerler somasy 14,6 mlrd teńge jetedi. Qazirgi tańda 7 882 aliment boiynsha boryshkerge Qazaqstan aýmaǵynan shyǵýǵa ýaqytsha shekteý qoiyldy.
«Barlyq aliment tóleminiń jalpy sanynyń 97,1%-yn er adamdar tóleýde, al áielder 2,9%-yn quraidy. 2023 jylǵy kórsetkishtermen salystyrǵanda aliment tóleý boiynsha oń dinamika baiqalady. Keiingi málimetter boiynsha, problemalyq óndirister sany 25 paiyzǵa, al boryshkerlerdiń jalpy bereshegi 31 paiyzǵa azaiǵan», - dedi T. Ýáli ministrlik uiymdastyrǵan brifingide.
Reidtik is-sharalar aiasynda politsiiamen birlesken belsendi jumys júrgizilip jatyr.
«Máselen, biylǵy jyldyń basynan beri respýblika boiynsha 144 reid júrgizilip, 421 kólik arnaiy turaqqa qoiyldy. Sol arqyly boryshkerlerden 300 million teńgege jýyq qarajat óndirildi», - dedi resmi ókil.
Eske salsaq, máiithanada nekrofiliia jasady degen kúdikti ádilet organdarynda jumys istemeitini habarlanǵan bolatyn.
