Qazaqstan Respýblikasy Premer-Ministriniń birinshi orynbasary Á. Smaiylovtyń basshylyǵymen ótken Syrtqy saýda saiasaty jáne halyqaralyq ekonomikalyq uiymdarǵa qatysý jónindegi vedomstvoaralyq komissiia otyrysynda infliatsiiaǵa qarsy áreket etý jáne eldiń ishki ekonomikasyn qoldaý maqsatynda daiyn ónim óndirýge qajetti taýarlar men shikizatty eksporttaýǵa birqatar tyiym salý týraly sheshim qabyldandy, dep habarlaidy primeminister.kz caity.
Et pen et ónimderiniń ishki naryqtaǵy baǵasyn turaqtandyrý, sondai-aq mal basyn kóbeitý maqsatynda Qazaqstan Respýblikasynyń Úkimeti iri qara men usaq maldyń asyl tuqymdy túrlerin eksporttaýǵa tyiym salýdy uzartty. Munymen qosa, shikizattyń jetispeýshiliginen búginde elimizdegi karton jáne qaǵaz ónerkásibi kásiporyndary shikizat retinde qaita óńdeletin qaǵazdy, kartondy jáne makýlatýrany paidalanady.
Osyǵan bailanysty ishki naryqta shikizat tapshylyǵynyń aldyn alý úshin Úkimet 6 aiǵa osyndai taýarlardy elden áketýge ýaqytsha tyiym salady.
Sondai-aq Qazaqstanda otandyq jihaz jáne aǵash óńdeý ónerkásibi óndirýshilerin qoldaý maqsatynda DSP eksportyn shekteý týraly sheshim qabyldandy. Ishki naryqtaǵy tapshylyqty joiý jáne benzin, dizel otyny men munai ónimderiniń keibir túrleriniń baǵasyn turaqtandyrýdy qamtamasyz etý úshin Úkimet bul taýarlardyń eksportyna tyiym salý boiynsha sheshimin uzartty.
