قازاقستان رەسپۋبليكاسى پرەمەر-مينيسترٸنٸڭ بٸرٸنشٸ ورىنباسارى ە. سمايىلوۆتىڭ باسشىلىعىمەن ٶتكەن سىرتقى ساۋدا ساياساتى جەنە حالىقارالىق ەكونوميكالىق ۇيىمدارعا قاتىسۋ جٶنٸندەگٸ ۆەدومستۆوارالىق كوميسسييا وتىرىسىندا ينفلياتسيياعا قارسى ەرەكەت ەتۋ جەنە ەلدٸڭ ٸشكٸ ەكونوميكاسىن قولداۋ ماقساتىندا دايىن ٶنٸم ٶندٸرۋگە قاجەتتٸ تاۋارلار مەن شيكٸزاتتى ەكسپورتتاۋعا بٸرقاتار تىيىم سالۋ تۋرالى شەشٸم قابىلداندى, دەپ حابارلايدى primeminister.kz cايتى.
ەت پەن ەت ٶنٸمدەرٸنٸڭ ٸشكٸ نارىقتاعى باعاسىن تۇراقتاندىرۋ, سونداي-اق مال باسىن كٶبەيتۋ ماقساتىندا قازاقستان رەسپۋبليكاسىنىڭ ٷكٸمەتٸ ٸرٸ قارا مەن ۇساق مالدىڭ اسىل تۇقىمدى تٷرلەرٸن ەكسپورتتاۋعا تىيىم سالۋدى ۇزارتتى. مۇنىمەن قوسا, شيكٸزاتتىڭ جەتٸسپەۋشٸلٸگٸنەن بٷگٸندە ەلٸمٸزدەگٸ كارتون جەنە قاعاز ٶنەركەسٸبٸ كەسٸپورىندارى شيكٸزات رەتٸندە قايتا ٶڭدەلەتٸن قاعازدى, كارتوندى جەنە ماكۋلاتۋرانى پايدالانادى.
وسىعان بايلانىستى ٸشكٸ نارىقتا شيكٸزات تاپشىلىعىنىڭ الدىن الۋ ٷشٸن ٷكٸمەت 6 ايعا وسىنداي تاۋارلاردى ەلدەن ەكەتۋگە ۋاقىتشا تىيىم سالادى.
سونداي-اق قازاقستاندا وتاندىق جيھاز جەنە اعاش ٶڭدەۋ ٶنەركەسٸبٸ ٶندٸرۋشٸلەرٸن قولداۋ ماقساتىندا دسپ ەكسپورتىن شەكتەۋ تۋرالى شەشٸم قابىلداندى. ٸشكٸ نارىقتاعى تاپشىلىقتى جويۋ جەنە بەنزين, ديزەل وتىنى مەن مۇناي ٶنٸمدەرٸنٸڭ كەيبٸر تٷرلەرٸنٸڭ باعاسىن تۇراقتاندىرۋدى قامتاماسىز ەتۋ ٷشٸن ٷكٸمەت بۇل تاۋارلاردىڭ ەكسپورتىنا تىيىم سالۋ بويىنشا شەشٸمٸن ۇزارتتى.
