Premer-Ministrdiń birinshi orynbasary – Qarjy ministri Álihan Smaiylov óńirlerde ashylatyn kóterme-saýda ortalyqtaryna júkteletin mindetterdi atady, dep habarlaidy QazAqparat.
«Azyq-túlik qaýipsizdigin qamtamasyz etý – Úkimet aldynda turǵan mańyzdy mindet. Ol qazirgi kúrdeli ýaqytta memlekettiń ózin-ózi qamtamasyz etý máseleleri shielenisken kezde erekshe ózekti bolyp otyr. Táýelsizdigimiz bastalǵaly beri jemis-kókónis ónimderin saqtaý boiynsha qýattardyń jetispeý problemasy tur. Olardyń tapshylyǵy búgin de shamamen 70 paiyzdy nemese 4,7 mln tonnany quraidy. Jyl saiyn maýsymaralyq ýaqytta jemis-jidek pen kókónisterdiń baǵasy ósýde. Bul – infliatsiialyq protsesterdiń katalizatory», - dedi Álihan Smaiylov Úkimet otyrysynda.
Premer-Ministrdiń birinshi orynbasary osyǵan bailanysty kóterme-taratý ortalyqtarynyń jelisin qurý siiaqty mańyzdy infraqurylymdyq jobany iske asyrý – basty máselege ainalǵan.
«Mundai jelilerdi qurý – áleýmettik mańyzy bar azyq-túlik ónimderin tómen baǵamen jinap-saqtaýdy, sodan keiin jyl boiy naryqqa shyǵarýdy qamtamasyz etýge múmkindik beredi. Bir jaǵynan bul fermerlerge óz ónimin tolyq satýǵa jol ashady. Al ekinshi jaǵynan naryqty otandyq ónimmen toltyryp, baǵanyń ósýin tejeidi. Jobany bastaý úshin birinshi kezekte respýblikalyq biýdjetten qarajat bólý máselesi qaralady. Sonymen qatar Saýda jáne integratsiia ministrligi, ákimder jobany iske asyrý úshin investorlardy tarta otyryp, memlekettik-jekeshelik áriptestik tetigin pysyqtaýy tiis», - dedi Álihan Smaiylov.
Aita ketsek, Úkimet otyrysynda Saýda jáne integratsiia ministri Baqyt Sultanov biyl Almaty, Pavlodar jáne Túrkistan oblystarynda aýyl sharýashylyǵy taýarlaryn saqtaýǵa arnalǵan 5 kóterme-taratý ortalyǵyn salý kózdelip otyrǵanyn málim etken edi. Úkimet basshysy tarapynan bul jumys qoldaý tapty.
