Juma, 29 sáýirde Bishkekke jumys sapary aiasynda Qazaqstan Premer-Ministri Álihan Smaiylov Qyrǵyzstan Prezidenti Sadyr Japarovpen kezdesti, - dep habarlaidy "Ult aqparat" Úkimettiń resmi saityna silteme jasap.
Kezdesý barysynda taraptar Qazaqstan-Qyrǵyzstan strategiialyq áriptestiginiń damý perspektivalaryn talqylady, atap aitqanda, saýda-ekonomikalyq, investitsiialyq jáne shekara mańy yntymaqtastyǵyn nyǵaitýǵa erekshe nazar aýdardy.
Álihan Smaiylov eki eldiń mádeni-gýmanitarlyq saladaǵy ózara is-qimylyn joǵary baǵalai otyryp, Qazaqstan Úkimetiniń biyl qazan aiyna josparlanǵan Qyrǵyzstannyń Qazaqstandaǵy mádeniet kúnderin ótkizýge járdemdesýge daiyn ekenin bildirdi.
Sonymen qatar QR Premer-Ministri Qyrǵyzstan Prezidentin Úkimetaralyq keńestiń 10-shy otyrysynyń qorytyndysy boiynsha qol jetkizgen ýaǵdalastyqtar týraly habardar etti.
