QR Premer-Ministri Álihan Smaiylov Qazaqstanda besinshi býyndaǵy uialy bailanys - 5G-di engizý boiynsha tapsyrmalar berdi, dep habarlaidy primeminister.kz.
Búgin QR Premer-Ministri Álihan Smaiylov Tsifrlandyrý máseleleri jónindegi komissiianyń otyrysyn ótkizdi. Onda memlekettik organdardaǵy biznes-úderisterdiń reinjiniringi, azamattar men zańdy tulǵalar týraly málimetterdi túzetýdiń ońailatylǵan mehanizmin engizý, sondai-aq besinshi býyndaǵy uialy bailanysty engizý jáne damytý (5G/IMT) barysy qaraldy.
Birinshi másele boiynsha QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin baiandama jasady. Ol Memleket basshysynyń memlekettik apparat qyzmetin biýrokratiiadan aryltý jónindegi tapsyrmasyn oryndaý aiasynda protsester men memlekettik organdar fýnktsiialarynyń keshendi reinjiniringi, sondai-aq qujat ainalymy men eseptilikti qysqartý jumystary júrgizilip jatqanyn, ol merzimder men kezeńderdi eki esege qysqartýdy kózdeitinin habarlady.
Búgingi tańda 100-den astam biznes-protsess boiynsha jumys júrip jatyr: onyń 55-i boiynsha reinjiniring júrgizilse, 35-i memlekettik organdardyń kelisýinde, 43 biznes-protsess sipattalyp, rásimdeldi.
Reinjiniring azamattar men bizneske qyzmet kórsetý ýaqytyn birneshe ese qysqartýǵa múmkindik beredi, jalpy memlekettik organdardyń ózara is-qimylyn jaqsartady.
Osylaisha, azamattar jii júginetin birqatar qyzmet ońtailandyryldy, atap aitqanda, avtokólik satyp alý (15 min, onlain qyzmetter arqyly qaita tirkeý), JShS joiý (1 ai), múgedektikti belgileý (syrttai kýálandyrý múmkindigi), páterdi qaita josparlaý (1 kún), eńbekke jaramsyzdyq paraǵyn alý (qashyqtan) jáne taǵy basqasy. Ózgerister jyl sońyna deiin tolyq engiziledi.
Kelesi máseleler boiynsha usynystar jinaqtalǵan: dári-dármekterdi ákelý jáne saraptaý protsesterin transformatsiialaý, azamattardy tegin dári-dármekpen qamtamasyz etý, jer ýchaskelerin satyp alý jáne basqarý, áskeri esepke qashyqtan qoiý jáne basqasy. Olar qazir memlekettik organdarmen talqylanyp jatyr.
Budan bólek, memlekettik organdardyń biýdjet jáne norma túzýshilik protsesterine reinjiniring júrgizý Úkimetke strategiialyq mindetterdiń oryndalýyn, eldegi makroekonomikalyq jaǵdaidy, ózekti jáne durys derekter negizinde naqty ýaqyt rejiminde ulttyq jobalardyń iske asyrylýyn turaqty baqylap otyrýǵa múmkindik beredi. Bul memlekettik qyzmettiń jańa tsifrlyq formatqa kóshýine negiz bolmaq.
QR Premer-Ministri osy baǵyttaǵy barlyq jumysty sapaly ári ýaqytyly aiaqtaýdy tapsyrdy.
Ekinshi máseleni qaraý barysynda búgingi tańda azamattar memlekettik derekter qoryndaǵy qatelerge bailanysty ártúrli qujattarǵa túzetýler engizip jatatyny atap ótildi.
Jaǵdaidy ózgertý úshin memlekettik organdardyń málimetterdi túzetýge elektrondyq ótinimderdi qabyldaýǵa servisterdi jariialap otyrýy usynyldy. Osynyń arqasynda paidalanýshy notariýsqa nemese HQKO-ǵa barmai-aq, ýákiletti memlekettik organǵa tikelei saýal jibere alady.
Álihan Smaiylov aitylǵan tásilderdi qoldap, olardy iske asyrý máselesin egjei-tegjeili pysyqtaýdy tapsyrdy.
Kún tártibiniń úshinshi máselesin qaraý kezinde qazirgi ýaqytta Qazaqstanda 5G/IMT besinshi býyndaǵy uialy bailanys standartyn engizý boiynsha jumystar júrgizilip jatqany atap ótildi. Júrgizilgen synaqtar jaqsy nátije kórsetti: jiilikti qamtýdyń tiimdi aimaǵy – 10 sharshy km astam, jyldamdyq kórsetkishi – 1,6 Gbit/s deiin, kidiris deńgeii – 10 ms kem.
2021 jyly jeke operatorlarǵa Nur-Sultan, Almaty jáne Shymkentte 5G tehnologiiasyn testileý quqyǵy berildi.
QR Premer-Ministri 5G jelileri úshin jiilikterdi bólý tetikterin qosymsha pysyqtaýdy jáne jańartylǵan usynystardy Komissiianyń qaraýyna qaita engizýdi tapsyrdy.
