Búgin Úkimet otyrysynda QR Premer-Ministriniń birinshi orynbasary - Qarjy ministri Álihan Smaiylov biýdjet qarajatyn igere almaǵan ministrlikter men ákimdikterdi atady, dep habarlaidy "Ult aqparat".
«Memlekettik biýdjet shyǵystary 98,7, respýblikalyq 99,5, jergilikti biýdjetter 97,7 paiyzǵa atqaryldy. Respýblikalyq biýdjet shyǵystary 2 trln 971 mlrd teńgeni qurady. Ótken jyldyń osyndai kezeńimen salystyrǵanda ósý qarqyny 109,8 paiyzdy, iaǵni 265 mlrd teńgeni qurady. Biýdjet qarajaty 15 mlrd teńgege atqarylmady. Onyń 4 mlrd teńgesi únemdeý boldy. Al, igerilmeý somasy 11 mlrd teńgeni qurady. Bul 2019 jyldyń 1 sáýirindegi kórsetkishten 2 ese az», - dedi Álihan Smaiylov.
Onyń dereginshe, igerilmegen eń iri somalar Ádilet, Densaýlyq saqtaý ministrlikterinde jáne Ulttyq qaýipsizdik komitetinde qalyptasyp otyr.
«Jergilikti biýdjetterdiń shyǵystary 1 trln 213 mlrd teńgege igerildi. 29 mlrd teńge oryndalmady. Biyl óńirlerge 1 trln 499 mlrd teńge nysanaly transfertter qarastyrylǵan. Aldyn ala derekter boiynsha, birinshi toqsanda olarǵa 190,5 mlrd teńge bólindi. 97,1 paiyzy nemese 184,9 mlrd teńgesi igerildi. Oryndalmaý somasy 5,6 mlrd teńgeni qurady. Onyń 0,9 mlrd teńgesi - biýdjet qarajatyn únemdeý, igerilmeý - 4,7 mlrd teńge», - dedi birinshi vitse-premer.
Osy rette Álihan Smaiylov eń kóp igerilmegen qarajat Nur-Sultan men Shymkent qalalarynda jáne Aqmola men Atyraý oblystarynda qalyptasyp otyrǵandyǵyn aitty.
