بٷگٸن ٷكٸمەت وتىرىسىندا قر پرەمەر-مينيسترٸنٸڭ بٸرٸنشٸ ورىنباسارى - قارجى مينيسترٸ ەليحان سمايىلوۆ بيۋدجەت قاراجاتىن يگەرە الماعان مينيسترلٸكتەر مەن ەكٸمدٸكتەردٸ اتادى, دەپ حابارلايدى "ۇلت اقپارات".
«مەملەكەتتٸك بيۋدجەت شىعىستارى 98,7, رەسپۋبليكالىق 99,5, جەرگٸلٸكتٸ بيۋدجەتتەر 97,7 پايىزعا اتقارىلدى. رەسپۋبليكالىق بيۋدجەت شىعىستارى 2 ترلن 971 ملرد تەڭگەنٸ قۇرادى. ٶتكەن جىلدىڭ وسىنداي كەزەڭٸمەن سالىستىرعاندا ٶسۋ قارقىنى 109,8 پايىزدى, ياعني 265 ملرد تەڭگەنٸ قۇرادى. بيۋدجەت قاراجاتى 15 ملرد تەڭگەگە اتقارىلمادى. ونىڭ 4 ملرد تەڭگەسٸ ٷنەمدەۋ بولدى. ال, يگەرٸلمەۋ سوماسى 11 ملرد تەڭگەنٸ قۇرادى. بۇل 2019 جىلدىڭ 1 سەۋٸرٸندەگٸ كٶرسەتكٸشتەن 2 ەسە از», - دەدٸ ەليحان سمايىلوۆ.
ونىڭ دەرەگٸنشە, يگەرٸلمەگەن ەڭ ٸرٸ سومالار ەدٸلەت, دەنساۋلىق ساقتاۋ مينيسترلٸكتەرٸندە جەنە ۇلتتىق قاۋٸپسٸزدٸك كوميتەتٸندە قالىپتاسىپ وتىر.
«جەرگٸلٸكتٸ بيۋدجەتتەردٸڭ شىعىستارى 1 ترلن 213 ملرد تەڭگەگە يگەرٸلدٸ. 29 ملرد تەڭگە ورىندالمادى. بيىل ٶڭٸرلەرگە 1 ترلن 499 ملرد تەڭگە نىسانالى ترانسفەرتتەر قاراستىرىلعان. الدىن الا دەرەكتەر بويىنشا, بٸرٸنشٸ توقساندا ولارعا 190,5 ملرد تەڭگە بٶلٸندٸ. 97,1 پايىزى نەمەسە 184,9 ملرد تەڭگەسٸ يگەرٸلدٸ. ورىندالماۋ سوماسى 5,6 ملرد تەڭگەنٸ قۇرادى. ونىڭ 0,9 ملرد تەڭگەسٸ - بيۋدجەت قاراجاتىن ٷنەمدەۋ, يگەرٸلمەۋ - 4,7 ملرد تەڭگە», - دەدٸ بٸرٸنشٸ ۆيتسە-پرەمەر.
وسى رەتتە ەليحان سمايىلوۆ ەڭ كٶپ يگەرٸلمەگەن قاراجات نۇر-سۇلتان مەن شىمكەنت قالالارىندا جەنە اقمولا مەن اتىراۋ وبلىستارىندا قالىپتاسىپ وتىرعاندىعىن ايتتى.
