Premer-Ministrdiń birinshi orynbasary – Qarjy ministri Álihan Smaiylov 2020 jyly iri forýmdardy ótkizýge bailanysty shyǵyndardy únemdeý týraly aityp berdi, dep habarlaidy QazAqparat.
«Biz biyl DSU ministrlikter forýmyn ótkizemiz. Bul halyqaralyq forýmǵa ministrler deńgeiinde 200 eldiń ókili keledi. Osy oraida biz bul forýmnyń aiasynda Astana ekonomikalyq forýmyn uiymdastyrý sheshimine keldik», - dedi Á. Smaiylov Parlament Májilisinde tilshiler saýalyna jaýap bere otyryp.
Onyń sózine qaraǵanda, bul sheshim qarjy únemdeýge qol jetkizedi.
Sonymen qatar Úkimet basshysynyń birinshi orynbasary elimizde ishki naryqtyń múmkindikteri barynsha keńinen paidalanylatynyn atap ótti.
Budan buryn habarlanǵandai, búgin Májiliste Á. Smaiylov el aýmaǵynda koronavirýstyń taralýyna jol bermeýge bólingen qarjy týraly aityp berdi.
.jpeg)