Sybailas jemqorlyqqa qarsy is-qimyl agenttiginiń tóraǵasy Alik Shpekbaev Aqtóbeniń Hromtaý aýdanyna jumys saparymen bardy, dep habarlaidy "Ult aqparat".
Hromtaý aýdanynda «Aǵtóbe-adaldyǵ alańy» jobalyq keńsesiniń, «Ashyq ákimdiktiń» jumystarymen tanysty. Biyl paidalanýǵa berilgen ákimshilik ǵimaratta sybailas jemqorlyqty boldyrmaýǵa baǵytynda birneshe joba iske asyrylǵan.
Aýdan ákimi Naǵymjan Aldiiarov halyqpen tyǵyz ári ashyq qarym - qatynas ornatý maqsatynda áleýmettik jelilerde tikelei bailanysta turǵyndardyń saýaldaryna jaýap beretindigin jetkizdi. Ákimdikte óz-ózine qyzmet kórsetý buryshy ashylǵan. Sybailas jemqorlyqqa qarsy is-qimyl ulttyq biýrosynyń Aqtóbe oblysy boiynsha departamentiniń basshysy Mirlan Muhambetov biyl Hromtaý aýdanynda sybailas jemqorlyqqa qatysty birde-bir fakti tirkelmegenin aitty. Agenttik tóraǵasy muny aýdan ekonomikasynyń jaqsarýymen bailanystyrdy. «Aǵtóbe-adaldyǵ alańy jobalyǵ keńsesiniń maqsaty turmystyq sybailastyqtyń túbin joiý. Menińshe barlyq aýyl, aýdandarda jumystar dál osylai jasalý qajet»,- dedi Alik Shpekbaev. Aýdanda aýyz sý, kógildir otyn 95%, jol 85-90%, aýlalardy qalypqa keltirý 100% sheshimin tapqan. Aqtóbe oblysyndaǵy barlyq aýdan ákimdikterinde «Aǵtóbe-adaldyǵ alańy jobalyǵ keńsesi» jumys isteidi. «Atalǵan jumystardy talapqa sai oryndaý maqsatynda júieli jumystar jasalyp jatyr, ákimdikterde keńseler jumys istep tur, sondai-aq, internet jelisin jaqsartýdy da qolǵa alýdamyz»,- dedi oblys ákimi.
QR Sybailas jemqorlyqqa qarsy is-qimyl agenttiginiń tóraǵasy Alik Shpekbaev, oblys ákimi Ońdasyn Orazalin Hromtaý taý-ken tehnikalyq joǵarǵy kolledjindegi «Sanaly urpaq», «Adaldyq alańy», «Adaldyq dúkeni» jumystaryn kórdi. Aqtóbe oblystyq bilim bassharmasynyń basshysy Lázzat Orazbaeva bilim salasyndaǵy sybailastyqty boldyrmaý boiynsha atqarylǵan jumystarmen tanystyrdy. Oqýshylar men jastardyń boiynda senim atmosferasyn qalyptastyrýǵa arnalǵan «Adaldyq dúkeni» oblys boiynsha 35 kolledj ben 324 mektepte ashylǵan. Ustazdar arasynda «Men syilyq almaimyn» aktsiiasy ótkizilip, tamyz keńesinde «Aǵtóbe - adaldyǵ alańy», bilim basqarmasy, aýdan ákimderimen úsh jaqty memorandýmǵa qol qoiǵan. Jumys saparynyń sońynda agenttik tóraǵasy «Batys Jer» kempinginiń jáne Nur-Aqtóbe shaǵyn aýdany «EXPO» ǵimaratyndaǵy Almaty aýdandyq ákimdiginiń servistik qyzmetimen tanysty.
