Nur-Sultan, Almaty, Shymkent qalalary men óńirlerdegi barlyq orta bilim mekemelerinde biryńǵai jalpyrespýblikalyq «Adaldyq saǵaty» ótti, dep habarlaidy "Ult aqparat".
Is-shara óskeleń jas urpaqtyń boiynda adaldyq, parasat, ádildik, senim qundylyqtaryn sińirýge jáne jas býynnyń rýhani bolmysyn bekitip, sybailas jemqorlyqqa qarsy mádenietin qalyptastyrý maqsatynda ótkizilip otyr. Sonymen qatar, 2050 jyly 30 damyǵan eldiń qataryna qosylǵan, básekege qabileti, sanaly, ekonomikasy damyǵan parasatty myqty memleket qalyptastyra, parasat paiymy ushqyr, jan-jaqty tulǵalardyń sanyn kóbeitýge atsalysý maqsaty da kózdelgen.
«Jańa zaman jastary bilimmen qatar adaldyq, parasat , ádildik pen senim sekildi adami qundylyqtardy da boiyna sińirýi qajet. Búgingi kúngi «Adaldyq saǵaty» da - sol jumystardyń bastamasy. Elimizdegi barlyq mektepte «Adal urpaq» erikti mektep klýbtarynyń músheleri óńirlerdegi aimaqtyq basqarma basshylarynyń oń qoly bolyp, ózindik jastyq kreativpen, qulshynyspen qoǵamdaǵy qaterli derttiń aldyn alý jumystaryna da jumylýy qajet», - dedi Alik Shpekbaev aktsiiany bastai otyryp.
Atalǵan is-sharaǵa Nur-Sultan, Almaty, Shymkent jáne oblystardyń bilim basqarmalary arqyly orta bilim berý mekemelerinde «Nur Otan» partiiasynyń músheleri, agenttiktiń arnaiy monitoringtik top músheleri jáne úkimettik emes uiymdarynyń, respýblikalyq jastar uiymdarynyń ókilderi, sondai-aq basqa da qoǵam belsendileri qatysty.
Jalpyrespýblikalyq aktsiia ártúrli formatta ótti. Jasóspirimder óz usynystaryn, oilaryn jetkizdi. Jalpy aktsiiaǵa respýblika boiynsha 2 mln oqýshy qatysty. Sharaǵa 5903 mektep jumyldyrylyp otyr.
