QR Úkimetiniń Qaýlysymen Álibek Sákenuly Qýantyrov QR Ulttyq ekonomika vitse-ministri qyzmetine taǵaiyndaldy, dep habarlaidy QR Premer-Ministriniń baspasóz qyzmeti.
Álibek Qýantyrov 1983 jyly Atyraý qalasynda týǵan. Tomsk memlekettik ýniversitetin, Michigan ýniversitetin bitirgen.
Eńbek jolyn 2005 jyly QR Ekonomika jáne biýdjettik josparlaý ministrliginde jetekshi mamannyń m.a. bolyp bastady. 2005-2010 jj. — QR Ekonomika jáne biýdjettik josparlaý ministrliginde túrli laýazymdarda jumys istedi. 2010-2013 jj. — QR Qarjy ministrliginiń Biýdjettik josparlaý jáne boljamdaý departamenti direktorynyń orynbasary. 2013 j. — QR Indýstriia jáne jańa tehnologiialar ministrliginiń Geologiia jáne jer qoinaýyn paidalaný komiteti tóraǵasynyń orynbasary. 2013-2019 jj. — QR Prezident Ákimshiliginde túrli qyzmetter atqardy. 2019 jylǵy sáýirden qazirgi ýaqytqa deiin — QR Tuńǵysh Prezidenti – Elbasy Keńsesiniń Aqparattyq-saraptamalyq qamtamasyz etý bóliminiń meńgerýshisiniń orynbasary.
Eske salaiyq, búgin QR Ulttyq ekonomika vitse-ministri Meiirjan Baqytuly Iýsýpov basqa jumysqa aýysýyna bailanysty qyzmetinen bosatylǵan edi.
