Áleýmettik jelide qazaqstandyq tanymal juldyzdardyń qatysýymen ótken toidyń videosy tarady. Bul faktini Almaty qalasynyń monitoringilik toby tekserip jatyr, dep habarlaidy "Ult aqparat".
Videodan kesh Qazaqstannyń halyq ártisi Naǵima Esqalievanyń uly ánshi Dias Ablaevtyń týǵan kúnine orai uiymdastyrylǵanyn ańǵarýǵa bolady. Sharaǵa qatysýshylar arasynda Áli Oqapov, Indira Edilbaeva, Gúlnaz Jolanova men birneshe Instagram-bloger bar.
Qalalyq Sanitarlyq-epidemiologiialyq baqylaý departamentiniń málimetinshe, Almatynyń monitoringilik toby qazir bul derekti zerttep jatyr.
«Toidyń videosy dáleldi materialdy jinaý jáne zertteý úshin monitoring tobyna jiberildi. Sonyń negizinde is-sharany uiymdastyrýshy men jeke tulǵalarǵa qatysty ákimshilik sharalar qabyldanady», - dedi Almaty qalasy Sanitarlyq-epidemiologiialyq baqylaý departamentiniń orynbasary Sádýaqas Baiǵabylov.
Onyń aitýynsha, eger karantin talaptary buzylǵany anyqtalsa, mekeme iesine 670 910 teńge (230 AEK, 1 AEK - 2917 teńgege teń), al jeke tulǵalarǵa 87 510 teńge (30 AEK) mólsherinde aiyppul salynady.
Eske salaiyq, buǵan deiin ánshi Qairat Nurtasqa karantin talabyn buzǵany úshin aiyppul salynǵan bolatyn.
