Foto: Akorda.kz
Memleket basshysy elordany damytý máseleleri jónindegi keńeste Astanadaǵy sý tapshylyǵy máselesine toqtaldy, - dep habarlaidy "Ult aqparat" Aqordanyń baspasóz qyzmetine silteme jasap.
Qasym-Jomart Toqaev elordany sýmen qamtamasyz etý óte mańyzdy mindet ekenin atap ótti.
«Jazdyń basynda sý tapshylyǵy qatty sezildi. Buǵan turǵyndar narazylyq bildirgenin bilesizder. Tipti, joldardy bógep, mitingke shyqty. Bul – elorda ómirinde bolyp jatqan keleńsiz oqiǵalar.
Ashyǵyn aitsaq, qalanyń injenerlik infraqurylymyn damytýǵa jaýapty adamdar jumysyn adal atqarmaǵan. Bul – naǵyz salǵyrttyq, sonyń saldarynan osyndai kúrdeli ahýal qalyptasty. Muny, tipti, jumysqa selqos qaraý emes, qasaqana ziian keltirý deýge bolady. Sebebi, sý, jylý, jaryq – kúndelikti turmystaǵy asa mańyzdy qajettilikter. Bul salada qatelikke múldem jol berýge bolmaidy. Sondyqtan, kináli adamdar tiisti jazasyn alýy kerek.
Qazir elorda Astana sý qoimasyna tolyq táýeldi bolyp otyr. Sý alatyn basqa jer joq. Bul – óte qaýipti. Kez kelgen sátte oqys oqiǵa bolsa, búkil qalaǵa qaýip tónýi múmkin. Turǵyndar sany kóbeiip, jańa nysandar paidalanýǵa berilip jatyr. Sondyqtan, sý qoimasynyń qýaty aldaǵy bir-eki jylda sarqylyp bitetini anyq» - dedi Prezident.
Buǵan qosa, Memleket basshysy sý qoimasy lailanyp, lastanyp jatqanyn da eske saldy.
«Muny quzyrly ministrlik bilýge tiis. Qoimanyń túbin tazalap, ony tereńdetý kerek. Astana sý qoimasynyń bógetin tolyq tekserip, nyǵaitý qajet. Oǵan Sátbaev kanalynan sýdyń turaqty kelip turýyn qamtamasyz etken jón. Osy sharalardy dereý qolǵa alý kerek.
Qoimanyń tehnikalyq jaǵdaiyn shuǵyl retke keltirý qajet. Bul – óte mańyzdy másele. Astanada budan basqa sý kózi joq. Ashyǵyn aitsaq, mundai ahýal kópten beri jalǵasyp keledi, iaǵni bul bir kúnde paida bolǵan másele emes.
Buǵan deiin Ekologiia ministrligine qalany sýmen qamtamasyz etý úshin keshendi jumys jasaý tapsyryldy. Biraq áli kúnge deiin naqty nátije joq. Tipti, osy máseleni sheshýge qatysty tiimdi usynystar da joq. Taǵy da qaitalap aitamyn: quzyrly ministrlik naqty sharalar qabyldaýǵa tiis» - dedi Toqaev.
Prezident Astanany aýyz sýmen qamtamasyz etý máselesin keiinge qaldyra berýge bolmaitynyn qadap aitty.
«Tiisti jumys atqarylmasa, muny astyrtyn qarsylyq bildirý dep túsinýge týra keledi. Ahýaldy dereý túzeý qajet. Bas qalany osyndai jaǵdaida qaldyrmaimyz.
Úkimet ákimdikpen birlesip, kelesi jyldan bastap Sátbaev kanalynan qalaǵa deiin qubyr tartý jumystaryn qolǵa alýǵa tiis. Sonymen birge, Úkimet ákimdikpen birge sýmen qamtamasyz etýdiń balamaly joldaryn qazirden bastap qarastyrýy kerek» - dep túiindedi ol.
