«Rýhani jańǵyrý» baǵdarlamasy aiasynda jalǵasyn tapqan jobalarǵa jan-jaqty mán berilýi tiis. Bundai pikirdi Parlament Senatynyń depýtaty, QR Prezidenti janyndaǵy Qoǵamdyq sanany jańǵyrtý baǵdarlamasyn iske asyrý jónindegi ulttyq komissiia múshesi Áli Bektaev bildirdi, dep habarlaidy "Ult aqparat".
«Jalpy, «Rýhani jańǵyrý» baǵdarlamasy sheńberinde shynynda da, birshama jumystar qolǵa alynyp, naqty jobalar iske asyrylyp jatyr. Qanshama kitap qazaq tiline aýdaryldy, oqyrmanǵa jetti. Kásipkerler de baǵdarlamaǵa belsendi atsalysa bastady. Áitse de, áli de «Rýhani jańǵyrý» baǵdarlamasyna ult bolyp, halyq bolyp, ásirese jastar atsalysyp jatsa – quba-qup bolar edi. Sonda ǵana biz rýhani jańǵyrýdyń biigine shyǵa alamyz, baǵdarlamanyń pármendi sharalaryn atqarýǵa qol jetkizemiz. Bul árbir azamattyń sanasynyń ózgerýine bailanysty. Sebebi, pragmatizm degenimiz – bizdiń ulttyq qundylyqtarymyz ben bailyǵymyzǵa óte úlken jaýapkershilikpen qaraý degen sóz. Eger óziniń otbasyna, tirshiligine, dúniesine jaýapkershilikpen qarai almasa ol memlekettiń de bailyǵyna jaýapkershilikpen qarai almaidy. Sondyqtan, bizdiń sanamyzdaǵy eń basty másele – ózimizdiń otbasymyzdan bastalǵan qundylyqtarymyzdy jóndeý», - dedi Áli Bektaev Ulttyq komissiia otyrysynan keiin tilshilerge.
Senatordyń aitýynsha, qazir árbir adam tapqan tabysyn, jetken jetistigin mindet qylmai, óziniń otbasyna, balalarynyń tárbiesine, memleket pen táýelsizdik qundylyqtaryn arttyrýǵa qyzmet etýi kerek.
«Búgingi tańda bizdiń ulttyq bailyǵymyz – táýelsizdik. Mine, biz osyny saqtaimyz desek, ózimizge óte úlken jaýapkershilikpen qaraýymyz kerek. Pragmatizm ózimizden bastalýy kerek. Iaǵni, memleketimizge janashyrlyq tanytý úshin eń aldymen, urpaqqa, jastarǵa janashyrlyq tanytýǵa tiispiz. Bizdiń memlekettik organdardyń tarapynan da sanany ózgertý, rýhani jańǵyrý, sananyń jańǵyrýyn mektepten, balabaqshadan bastasa, óte oryndy bolar dep esepteimin», - dedi ol.
Eske sala ketsek, búgin Aqordada Qazaqstan Respýblikasynyń Memlekettik hatshysy Qyrymbek Kósherbaevtyń tóraǵalyǵymen «Rýhani jańǵyrý» baǵdarlamasy boiynsha ulttyq komissiia otyrysy ótip, Aqparat jáne qoǵamdyq damý ministri Dáýren Abaev baǵdarlamanyń 2020 jylǵa arnalǵan jańa josparyn tanystyrǵan bolatyn.
.jpeg)