Ekinshi orta salmaqtaǵy qazaqstandyq boksshy Áli Ahmedov (16-1, 12KO) kelesi jekpe-jegin 12 naýryzda ótkizedi, dep habarlaidy "Ult aqparat" VKontakte áleýmettik jelisindegi «Qazaqstannyń kásipqoi boksy» akkaýntyna silteme jasap.
BoxRec portalynyń aqparatyna sáikes, 25 jastaǵy Áli Ahmedov 33 jastaǵy amerikalyq Skot Sigmonǵa (34-14-1, 17KO) qarsy aiqasady. Kezdesý Plant-Sitide (AQSh, Florida shtaty) ótedi jáne 10 raýndqa eseptelgen.
Eske salsaq, qazaqstandyq profi munyń aldyndaǵy jekpe-jegin 2020 jyldyń 18 jeltoqsanynda Gollivýdte ótkizip, ekvadorlyq Karlos Gongoradan (19-0, 14KO) jeńilgen edi.
Sondai-aq atalmysh akkaýnttyń habarlaýynsha, qazaqstandyq taǵy bir kásipqoi boksshy Áli Baloev (10-0, 7KO) 27 aqpanda ringke oralady. Jeńilip kórmegen birinshi orta salmaqtaǵy sportshy Almatyda MTK Kazakhstan ótkizetin boks keshinde óner kórsetedi. Qarsylasy – 39 jastaǵy reseilik Denis Tsariýk (12-4, 10KO).
Á.Baloev keiingi aiqasyn Almatyda tamyz aiynda ótkizgen bolatyn. Ol tóreshilerdiń biraýyzdy sheshimimen belarýs Iýrii Byhovtsevti jeńdi.
