Foto: Májilis
Májilis depýtaty Baqytjan Bazarbek meditsina salasyndaǵy zań buzýshylyqtardy kótergeni úshin sotqa tartylyp, jeńip shyqty. Bul týraly advokat Baqtiiar Ǵalymjanov málimdedi dep habarlaidy Ult.kz.
"Keshe, 2025 jyly 11 maýsymda men jáne advokattar Baýyrjan Amitov, Murat Mutaliev, Mádi Kóshikbaev Qazaqstan Respýblikasy Májilisiniń halyq depýtaty Baqytjan Bazarbekti sotta qorǵap, zańdy tulǵanyń iskerlik bedeline nuqsan keltiretin málimettiń taralǵanyn taný jáne ony qorǵaý týraly iste jeńip shyqtyq", - dep málimdedi advokat.
Baqtiiar Ǵalymjanovtyń sózinshe sot talapty qanaǵattandyrýdan tolyq bas tartqan. Ol Baqytjan Bazarbek meditsina salasyndaǵy zań buzýshylyqtardy zerttep, kótergeni úshin sotqa tartylǵanyn aityp otyr.
"Bul shyn máninde mańyzdy jeńis, óitkeni memlekettik jáne qoǵamdyq múddelerdi qorǵaýda sóz sóilegen, meditsinalyq saladaǵy zań buzýshylyqtar taqyrybyn zerttep, kótergen, sol úshin alǵys nemese marapat alýdyń ornyna sotqa talap aryz alǵan halyq ókiliniń, Bazarbek Baqytjannyń quqyqtary qorǵaldy", - dep otyr ol.
Advokat bul jeńis sóz bostandyǵyn, zańdylyqty, quqyqtyq tártipti, sybailas jemqorlyq pen asyra paidalanýǵa qarsy kúresti, halyqty, qoǵamdy jáne halyq qalaýlylaryn, depýtattardy negizsiz aryz shaǵymnan qorǵaýdy odan ári damytýǵa óz úlesin qosatynyna senimdi.
"Meniń oiymsha, sot depýtattarǵa qatysty olardyń kásibi qyzmetine tikelei bailanysty ister boiynsha talap qoiýdyń orny da, tásili de emes, sot, eń aldymen, azamattar men zańdy tulǵalardyń quqyqtaryn qorǵaýǵa arnalǵan organ!!! Meniń oiymsha, depýtattyq immýnitet tek qylmystyq ister men ákimshilik quqyq buzýshylyq týraly isterge ǵana emes, sonymen qatar bizdiń memleketimiz ben qoǵamymyzdaǵy sybailas jemqorlyqty, qylmystar men zańsyzdyqty joiý boiynsha óziniń "qasietti soǵysyn" júrgizýdi Baqytjan Bazarbek siiaqty adal jáne printsipshil depýtattardyń qamtamasyz etýi úshin depýtattyń qyzmetine bailanysty kez kelgen talap-aryzdarǵa da taralýy tiis!!!", - dedi advokat Ǵalymjanov.
Aita keteiik, buǵan deiin Baqytjan Bazarbek óziniń ústinen meditsina uiymdary sotqa aryz túsirgenin buqaralyq aqparat quraldaryna aitqan. Joǵarǵy aýditorlyq palatanyń úkimettik saǵatynda depýtat MÁMS-ke bailanysty ózi biletin faktilerdi kórsetken. Soǵan kelispegen meditsina uiymdary sotqa aryz bergen.
