Tanymal rejisser jáne prodiýser Timýr Bekmambetov astanalyq turǵyndardy aty ańyzǵa ainalǵan ǵaryshker, álem boiynsha ashyq ǵaryshqa alǵash shyqqan Aleksei Leonov týraly «Alǵashqylar dáýiri» kinokartinasymen qýantty, dep habarlaidy QazAqparat.
6 sáýir kúni kartina qalyń kórermenge jol tartady.
Rejisser Dmitrii Kiselev jobany sátti aiaqtady. Alǵashqy minýttan sońynda deiin film kórermendi ózine baýrap alady. Bul asyryp aitý emes. Árine, munda úzdik «úshtiktiń» - Evgenii Mironov (Aleksei Leonov rólinde), Konstantin Habenskii (Pavel Beliaev) jáne Vladimir Ilinniń (Sergei Korolev) eńbegi orasan.
Bul ashyq ǵaryshqa alǵash ret ushqan ataqty «Voshod-2» kemesiniń tarihy. Baiqońyrsyz, Qazaqstansyz munyń barlyǵy múmkin emes edi», - deidi Konstantin Habenskii.
Sonymen birge, Timýr Bekmambetov úshin bul filmniń qazaq tiline dýbliajdalýy asa mańyzdy boldy. «Men úshin óz Otanymda óz filmimniń orys tilinde ǵana emes, memlekettik tilde de kórsetilýi - óte mańyzdy», - dedi ol.
