Foto: Gov.kz
Túrkistan oblysynan Tájikstan eline alǵash ret et eksportqa jóneltildi. Osyǵan deiin Sairam aýdanyndaǵy «Qaiyp ata» JShS men Tájikstan eli arasynda 110 tonna et eksporttaý boiynsha kelisimshart jasalǵan bolatyn, dep habarlaidy «Ult aqparat».
Oblys ákimdigi baspasóz qyzmetiniń málimetinshe, búgin 110 tonnanyń 16 tonnasy jóneltildi. Kelisimshart boiynsha jumystar qyrkúiek aiynan bastaldy.
Atalǵan kásiporyn elimizdiń eksporttyq áleýetin arttyrýǵa óz úlesin qosyp keledi. 2023 jyly Ózbekstan eline 4500 tonna iri qara etin eksporttady. Sonymen qatar Iran memleketine 140 tonna usaq mal etin jóneltti. Al biyl 5000 tonna iri qara mal etin eksporttaýdy josparlap otyr. Jyl basynan beri «Qaiyp ata» JShS Ózbekstan eline 2 945 tonna siyr etin jáne 12 tonna qoi etin, Iranǵa 118 tonna qoi etin eksporttap úlgerdi.
Budan bólek, «Qaiyp ata» JShS Aýstraliia elimen birlesken 3 iri investitsiialyq jobany qolǵa almaq. Atap aitqanda, 2025 jyly Arys qalasynda 25 myń IQM basyna arnalǵan bordaqylaý kesheni iske qosylasa, 2025 - 2026 jyldary Sairam aýdanynda «1500 basqa iri qara maldy soiý jáne óńdeý» jáne «Mal satý birjasy» jobalary júzege asyrylady.
Aita keteiik, Túrkistan oblysy et eksporty boiynsha elimizde jetekshi orynda tur. Eksportqa shyǵarylatyn iri qara mal etiniń 80 paiyzy, qoi etiniń 75 paiyzy oblystyń enshisinde.
