Mamandar Almatydaǵy "Alǵabas" yqshamaýdanyndaǵy № 155-156 úilerdi tekserip jatyr, - dep habarlaidy "Almaty" telearnasy.
Telearnanyń málimetinshe, sáýirde jaýǵan jaýynnan soń onsyz da irgetasy syr bergen №156 úidiń ústińgi qabaty qisaia bastaǵan.
Baspanalarynyń qabyrǵasy kún sanap jantaiǵanyn baiqaǵan turǵyndar qaýipti úiden kóshirýdi talap etip otyr.
"Úidiń jaǵdaiy otyrǵanda kádimgidei bireý qozǵap turǵan siiaqty syqyr-syqyr etedi. Esikter án salady. Ashanamnyń esigin syqyrlai bergesin alyp tastadym", - deidi turǵyn Janys Meńdibaev.
Telearnanyń málimetinshe, dabyl qaqqan jurttyń jan aiǵaiyn jergilikti ákimdik estigen. Biraq, atqaminerler úidi apatty deýden aýlaqpyz deidi. Óitkeni, baspananyń 40 santimetrge aýytqyǵany el arasyndaǵy jańsaq pikir kórinedi.
"Bireýler arasynda sol turǵyndardyń ótirik aitqan. 40 santimetr ketip qaldy, senderdiń úi qaýipti dep. Sony bireý jiberip, elder úrkip qaldy", - deidi Alataý aýdanynyń ákimi Baǵdat Mánizorov.
Memlekettik baǵdarlamamen salynǵan úi osydan 3 jyl buryn qoldanysqa berilgen. Kóppen birge qýanyp, qonys toiyn toilaǵandardyń biri Ainur Qobylandy.
Meditsina qyzmetkeri bul páterge uzaq jyl kezekke turyp qol jetkizgen. Sol qýanyshy endi kópke sozylmaityn túri bar. Qazir Ainur turǵan úi aýtqyǵany óz aldyna, qabyrǵalaryna da jaryq túsip, syrtqy sylaqtar sógile bastaǵan.
"Biz túnimen uiyqtamaimyz, túnde qorqamyz uiyqtaýǵa. Óitkeni, kim biledi Qaraǵandydaǵydai jaǵdai bolyp qalsa biz úlgerip shyǵa almaimyz", - deidi turǵyn Ainur Qobylandy. "Tehnikalar jerdi oiyp sybai qaǵady. Sol kezde treshina beredi. "Osyndai qorqamyz, qaýipti" dep jatyr. Sol jóninde men qazir qalaǵa bara jatyrmyn, hatymyzdy daiyndadyq. Qazir qalada jinalamyz, QazNIISA deimiz, GASK deimiz. Munyń qanshalyqty qaýipti, qaýipsiz ekenin sheshemiz", - dedi Alataý aýdanynyń ákimi Baǵdat Mánizorov.
Eske sala keteiik, byltyr maýsym aiynda Almatyda jańadan salynǵan úidiń turǵyndary túnde evakýatsiialanǵan bolatyn. TJ Alataý aýdanyndaǵy Alǵabas yqshamaýdanynda (Momyshuly jáne Aqyn Sara kósheleriniń qiylysy) boldy. Turǵyndardyń aitýynsha, tolastap jaýǵan jańbyrdan úidiń jertólesine sý tolyp qalǵan edi. Al keiinirek Alǵabas yqshamaýdanyndaǵy qisaiǵan úidiń turǵyndaryna jańa kópqabatty úi salynatyny habarlanǵan bolatyn.
