ماماندار الماتىداعى "العاباس" ىقشاماۋدانىنداعى № 155-156 ٷيلەردٸ تەكسەرٸپ جاتىر, - دەپ حابارلايدى "الماتى" تەلەارناسى.
تەلەارنانىڭ مەلٸمەتٸنشە, سەۋٸردە جاۋعان جاۋىننان سوڭ ونسىز دا ٸرگەتاسى سىر بەرگەن №156 ٷيدٸڭ ٷستٸڭگٸ قاباتى قيسايا باستاعان.
باسپانالارىنىڭ قابىرعاسى كٷن ساناپ جانتايعانىن بايقاعان تۇرعىندار قاۋٸپتٸ ٷيدەن كٶشٸرۋدٸ تالاپ ەتٸپ وتىر.
"ٷيدٸڭ جاعدايى وتىرعاندا كەدٸمگٸدەي بٸرەۋ قوزعاپ تۇرعان سيياقتى سىقىر-سىقىر ەتەدٸ. ەسٸكتەر ەن سالادى. اسحانامنىڭ ەسٸگٸن سىقىرلاي بەرگەسٸن الىپ تاستادىم", - دەيدٸ تۇرعىن جانىس مەڭدٸباەۆ.
تەلەارنانىڭ مەلٸمەتٸنشە, دابىل قاققان جۇرتتىڭ جان ايعايىن جەرگٸلٸكتٸ ەكٸمدٸك ەستٸگەن. بٸراق, اتقامٸنەرلەر ٷيدٸ اپاتتى دەۋدەن اۋلاقپىز دەيدٸ. ٶيتكەنٸ, باسپانانىڭ 40 سانتيمەترگە اۋىتقىعانى ەل اراسىنداعى جاڭساق پٸكٸر كٶرٸنەدٸ.
"بٸرەۋلەر اراسىندا سول تۇرعىنداردىڭ ٶتٸرٸك ايتقان. 40 سانتيمەتر كەتٸپ قالدى, سەندەردٸڭ ٷي قاۋٸپتٸ دەپ. سونى بٸرەۋ جٸبەرٸپ, ەلدەر ٷركٸپ قالدى", - دەيدٸ الاتاۋ اۋدانىنىڭ ەكٸمٸ باعدات مەنٸزوروۆ.
مەملەكەتتٸك باعدارلامامەن سالىنعان ٷي وسىدان 3 جىل بۇرىن قولدانىسقا بەرٸلگەن. كٶپپەن بٸرگە قۋانىپ, قونىس تويىن تويلاعانداردىڭ بٸرٸ اينۇر قوبىلاندى.
مەديتسينا قىزمەتكەرٸ بۇل پەتەرگە ۇزاق جىل كەزەككە تۇرىپ قول جەتكٸزگەن. سول قۋانىشى ەندٸ كٶپكە سوزىلمايتىن تٷرٸ بار. قازٸر اينۇر تۇرعان ٷي اۋتقىعانى ٶز الدىنا, قابىرعالارىنا دا جارىق تٷسٸپ, سىرتقى سىلاقتار سٶگٸلە باستاعان.
"بٸز تٷنٸمەن ۇيىقتامايمىز, تٷندە قورقامىز ۇيىقتاۋعا. ٶيتكەنٸ, كٸم بٸلەدٸ قاراعاندىداعىداي جاعداي بولىپ قالسا بٸز ٷلگەرٸپ شىعا المايمىز", - دەيدٸ تۇرعىن اينۇر قوبىلاندى. "تەحنيكالار جەردٸ ويىپ سىباي قاعادى. سول كەزدە ترەششينا بەرەدٸ. "وسىنداي قورقامىز, قاۋٸپتٸ" دەپ جاتىر. سول جٶنٸندە مەن قازٸر قالاعا بارا جاتىرمىن, حاتىمىزدى دايىندادىق. قازٸر قالادا جينالامىز, قازنييسا دەيمٸز, گاسك دەيمٸز. مۇنىڭ قانشالىقتى قاۋٸپتٸ, قاۋٸپسٸز ەكەنٸن شەشەمٸز", - دەدٸ الاتاۋ اۋدانىنىڭ ەكٸمٸ باعدات مەنٸزوروۆ.
ەسكە سالا كەتەيٸك, بىلتىر ماۋسىم ايىندا الماتىدا جاڭادان سالىنعان ٷيدٸڭ تۇرعىندارى تٷندە ەۆاكۋاتسييالانعان بولاتىن. تج الاتاۋ اۋدانىنداعى العاباس ىقشاماۋدانىندا (مومىشۇلى جەنە اقىن سارا كٶشەلەرٸنٸڭ قيىلىسى) بولدى. تۇرعىنداردىڭ ايتۋىنشا, تولاستاپ جاۋعان جاڭبىردان ٷيدٸڭ جەرتٶلەسٸنە سۋ تولىپ قالعان ەدٸ. ال كەيٸنٸرەك العاباس ىقشاماۋدانىنداعى قيسايعان ٷيدٸڭ تۇرعىندارىنا جاڭا كٶپقاباتتى ٷي سالىناتىنى حابارلانعان بولاتىن.
