Foto ©RIA Novosti
Alfa-Bank Qazaqstan qarjy institýtyna áser etken sanktsiialarǵa qatysty pikir bildirdi, - dep habarlaidy Tengrinews.kz.
"Ókinishke qarai, AQSh-tyń sanktsiialary Alfa-Bank Qazaqstanǵa da áser etti. Biz álemde bolyp jatqan oqiǵalardy jáne olardyń bank qyzmetine tigizetin áserin jiti baqylap otyramyz. Qazir Alfa Ulttyq bankpen birlesip, máselelerdi sheship jatyr. Jaqyn arada naqtyraq jaýap beremiz.
Qabyldanǵan shekteýler klient qarajatynyń saqtalýyna jáne qoljetimdigine áser etpeitinin atap ótkimiz keledi. Bankte klientter aldyndaǵy barlyq mindettemesin oryndaý úshin jetkilikti ótimdilik pen menshikti kapital bar", - dedi bank ókilderi.
Buǵan deiin Alfa-Bank Qazaqstan óz saitynda dollarmen jáne evromen aýdarymdardy toqtata turý, óz jelisinen tys Visa jáne MasterCard kartalarynyń jumysyn toqtata turý, táýligine eki million teńge mólsherinde qolma-qol aqsha alýǵa jáne aýdarymdarǵa limit engizý, sondai-aq jeke jáne zańdy tulǵalarǵa kredit berýdi toqtata turý týraly habarlama jariialaǵan bolatyn.
