Biyl áleýmettik jelilerdegi zańǵa qaishy 36 484 material buǵattaldy. Bul jaiynda Senat depýtattarynyń saýalyna berilgen QR Premer-Ministriniń orynbasary Eraly Toǵjanovtyń jaýabynda aitylǵan, dep habarlaidy QazAqparat.
«Aqparat jáne qoǵamdyq damý ministrligi ǵalamtorda qoljetimdi resýrstar men áleýmettik jelilerdi táýlik boiy qadaǵalaidy. Zańnamany buzý faktileri anyqtalǵan jaǵdaida internetresýrstyń ákimshiligine eskertýler men habarlamalar joldanady. Eskertýler túzetilmegen bolsa, internet-resýrs sot sheshimimen zańnamada belgilengen tártippen buǵattalady. Jariialanǵan materialdarda qylmystyq is-árekettiń belgileri anyqtalsa, olardyń avtorlary men taratýshylary qylmystyń jaýapkertishikke tartylady», - delingen Eraly Toǵjanov jaýabynda.
Onyń atap ótýinshe, zańǵa qaishy kontenttiń taralýyna jol bermeý maqsatynda ýákiletti organdar VKontakte, Odnoklassniki, Mail.ru, Livejournal, Facebook, Instagram áleýmettik jelileriniń ákimshiligimen tyǵyz yntymaqtastyq ornatqan.
«2022 jyly Aqparat jáne qoǵamdyq damý ministrligi júrgizgen monitoringtiń nátijesinde 36 484 zańǵa qaishy material buǵattaldy», - dedi vitse-premer.
Úkimet basshysy usynǵan derekke sáikes, atalǵan materialdardyń 35 myńnan astamy - terrorizm, dini jáne etnikalyq ekstremizm ideologiiasyn taratý; 332-si – esirtki quraldaryn nasihattaý jáne taratýǵa; 3 531-i – pornografiiany, qatygezdik pen sýitsidti nasihattaýǵa; 32-si – ar-namysqa til tigizý, bilikti qorlaýǵa, 111-ge jýyǵy - jalǵan aqparat taratýǵa qatysty boldy.
