Aqmola oblysynyń turǵyny áleýmettik jelide óziniń pornografiialyq sýretterin jariialady, dep habarlaidy "Ult aqparat" oblystyq PD baspasóz qyzmetine silteme jasap.
Vedomstvonyń málimetinshe, Zerendi aýdanynyń 27 jastaǵy turǵynyna qatysty Qylmystyq kodekstiń 311-baby «pornografiialyq materialdardy nemese zattardy zańsyz taratý» boiynsha sotqa deiingi is qozǵaldy.
«Biylǵy jylǵy maýsymnyń 26-da Aqmola oblysy PD kriminaldyq politsiia bólimsheleriniń qyzmetkerleri áielderge qyzmet usyna otyryp, óziniń pornografiialyq sipattaǵy fotosýretterin taratýmen jáne jarnamalaýmen ainalysqan oblys ortalyǵynyń turǵynyn anyqtady. Er adam óz kinásin moiyndady. Belgili bolǵandai, jas jigit áleýmettik jelide búrkenshik atty qoldana otyryp, saýalnamany, jeke intimdik fotosýretterdi ornalastyrǵan», - dedi vedomstvodan.
Vedomstvonyń baspasóz qyzmeti atap ótkendei, er adamnan onyń profili tirkelgen telefon tárkilendi. Tergeý amaldary jalǵasýda. Kúdiktige qatysty is júrgizý májbúrleý sharasy kelý týraly mindetteme túrinde tańdaldy.
