«Rýhani jańǵyrý» qazaqstandyq qoǵamdyq damý institýty» sarapshylary kópbalaly otbasylardyń jaǵdaiy men damýy jaily áleýmettik zertteý málimetterimen bólisti, dep habarlaidy "Ult aqparat" atalǵan uiymnyń baspasóz qyzmetine silteme jasap.
QQDI otbasy institýtyn zertteý ortalyǵynyń derekteri boiynsha, kópbalaly otbasylardyń 62,7%-ynda er adamdar balalardyń tárbiesimen áieldermen teń dárejede ainalysady.
«Kópbalaly otbasylarynyń 34,8% – balalardy tárbieleýde jasóspirim balalary kómektesetinin, 17,1% – kúieýiniń ata-anasy kómektesetinin, 11,7% – eshkim kómektespeitinin jáne suralǵan respondentterdiń tek 2,7% bala kútýshi qyzmetin paidalanatynyn aitty», – dedi QQDI otbasy institýtyn zertteý ortalyǵynyń sarapshysy Áigerim Áshimova.
Jasóspirim balalary ata-analaryna ózderiniń kishi inileri men qaryndastaryn kútýge jiirek kómektesetin óńirler tizimi mynandai: Qaraǵandy oblysynda - 64,2%, Pavlodar oblysynda – 57,8%, Jambyl oblysynda – 53,6%, Soltústik Qazaqstan oblysynda — 50%-dan sál azyraq kómegin kórsetedi – 47,1%, jáne Atyraý oblysynda – 46,9%.
Ata-analaryna balany kútýge eń az kómek kórsetetin jasóspirimder Aqtóbe oblysynda – tek 6,4%.
Qyzylorda oblysynda ata-ájelerdiń 42,5%-y nemerelerin (jien emes) kútýge kómek kórsetedi. Soltústik Qazaqstan oblysynda suralǵandardyń 20%-ǵa jýyǵynda nemerelerin kútýmen áieliniń ata-analary (naǵashy ata-ájesi) ainalysady, Qaraǵandy oblysynda 17,6%-y ainalysady. Jienderin kútýmen ainalysatyn naǵashy ata-ájeler eń az turatyn óńir — Batys Qazaqstan oblysy (2,7%), Qyzylorda oblysynda (2,5%) jáne Aqtóbe oblysynda (2,1%).
Eske sala ótelik, bul áleýmettik zertteý 2020 jyly aqpan-naýryz ailarynda ótkizildi.
