Áleýmettik jeli paidalanýshylary telefon arqyly 42 500 teńge mólsherinde áleýmettik tólemdi resimdeýdi usynatyn alaiaqtar týraly jazýda, dep habarlaidy Stopfake.kz saity.
Olar ózderin Jumyspen qamtý ortalyǵynyń qyzmetkerleri retinde tanystyryp, azamattardan tólem alýshylardyń tizimine qosý úshin elektrondyq tsifrlyq qoltańbanyń parolin suraidy.
QR Eńbek jáne halyqty áleýmettik qorǵaý ministrligi qazirgi ýaqytta 42 500 teńge mólsherindegi áleýmettik tólemniń tólenip jatqandyǵy týraly aqparatty resmi túrde joqqa shyǵardy.
– Memlekettik áleýmettik saqtandyrý qorynan tólenetin eń tómengi eńbekaqy mólsherindegi birjolǵy tólem – 42 500 teńge 2020 jylǵy 16 naýryz ben 11 mamyr aralyǵynda tótenshe jaǵdai kezinde tólendi. Sondai-aq 2020 jylǵy 5 shilde-17 tamyz aralyǵynda karantindik shekteý sharalary kezinde berildi. Tótenshe jaǵdai rejimi kezinde bul áleýmettik tólem 322 mlrd teńge somasyna 4,6 mln adamǵa, al karantindik shekteý sharalary kezinde 153,2 mlrd teńge somasyna 2,4 mln adamǵa taǵaiyndaldy. Karantindik shekteý sharalaryn qoldaný kezeńine MÁSQ-dan tólenetin áleýmettik tólem taǵaiyndaýǵa ótinishter 2020 jylǵy 1 jeltoqsanǵa deiin shaǵymdaný quqyǵymen ústimizdegi jyldyń 1 qyrkúiegine deiin qabyldandy, – dep habarlady ministrliktiń baspasóz hatshysy Aleksandr Kononets.
Aita keteiik, áleýmettik tólemderdi esepteý kezinde adamdar óz betinshe ótinish bergen nemese ótinimderdi proaktivti túrde alǵan.
Alaiaqtar azamattyń elektrondyq-tsifrlyq qoltańbasyna qoljetkizgen soń onyń derbes málimetterin, múlki týraly jáne t.b. aqparatty ońai bile alady. ETsQ nomerin eshkimge aitýǵa bolmaidy.
