Qyzylorda óńirlik kommýnikatsiialar qyzmetinde eńbek, áleýmettik qorǵaý jáne kóshi-qon Komitetiniń Qyzylorda oblysy boiynsha departamentiniń basshysy Tóreahmet Jolymbetov Elbasy Joldaýynan týyndaityn mindetterdiń oryndalýy boiynsha baspasóz konferentsiiasyn ótkizdi.
Onda sala basshysy zeinetaqy tóleý mehanizmderi men áleýmettik tólem júielerindegi ózgeristerge toqtaldy.
Ótken jyldyń 1 shildesinen bastap memlekettik bazalyq zeinetaqyny taǵaiyndaý mehanizmi ózgerdi. Qazirgi tańda bazalyq zeinetaqy azamattyń eńbek ótiline jáne tabysyna qaramastan barshaǵa birdei taǵaiyndalady. Bazalyq zeinetaqyny taǵaiyndaýdyń jańa mehanizmi 1998 jyldyń 1 qańtaryna deiin jinaqtalǵan eńbek ótilin jáne 1998 jyldan keiin jinaqtaýshy zeinetaqy júiesindegi kezeńderin esepke alady.
Qyzylorda oblysy boiynsha, 69,2 mynan astam zeinetaqy alýshylardyń kóbeitilgen bazalyq zeinetaqy tólemderiniń sheshim jobalary ýaqytyly bekitilip, shilde aiynyń tólemine qosyldy.
Qazirdiń ózinde respýblika boiynsha, 2 148 000 zeinetker úshin tólemderge qajettiligi anyqtaldy. Respýblikalyq biýdjet komissiiasy bul maqsatqa 530 mlrd teńgeden asa qarjy qarastyryp otyr.
Barlyq bazalyq zeinetaqy tólemin alýshylar tikelei elektrondyq úkimettiń servisteri arqyly zeinetkerdiń jańa bazalyq zeinetaqy tóleminiń mólsheri týraly anyqtamalar esepterimen tanysa alady.
Sonymen qatar, Memleket basshysy óziniń 2018 jyldyń 10 qańtaryndaǵy Joldaýynda Úkimetke 2018 jyldyń 1 shildesinen bastap kámeletke tolǵan, bala kezinen birinshi toptaǵy múgedekterdi baǵyp otyrǵan ata-analarǵa qosymsha ai saiynǵy memlekettik járdemaqy engizýdi tapsyrdy.
Soǵan sáikes, 2018 jyldyń 1 shildesinen bastap kámeletke tolǵan, bala kezinen birinshi toptaǵy múgedekterdi kútim jasap otyrǵan adamdarǵa jańadan ai saiyn memlekettik járdemaqy taǵaiyndalatyn bolady. Járdemaqynyń mólsheri kúnkóristiń eń tómengi deńgeii iaǵni osy jyly 29 699 teńgege teń bolady.
