Óskemendegi Metallýrgter mádeniet saraiynda áleýmettik qorǵaý júiesi qyzmetkerleri ózderiniń kásibi merekesi qarsańynda marapattaldy.
– Táýelsizdigimizge 20 jyl tolǵan jyly 28-qazan – áleýmettik qorǵaý júiesi qyzmetkerleriniń tól merekesi bolyp bekitilgen edi. Bul aǵa býyn ókilderine, áleýmettik az qamtylǵan, kópbalaly otbasylarǵa udaiy qamqorlyq tanytyp keletin Elbasynyń orasan qurmeti dep bilemiz. Bizdiń qalamyzda erekshe kútimdi qajet etetin jandarǵa arnalǵan «Úlbi» áleýmettik qyzmet kórsetý ortalyǵy jáne taǵy da basqa ortalyqtar qyzmet kórsetedi. Aǵymdaǵy jyly atalmysh salanyń qyzmetkerleri 4,5 myń adamǵa kómek qolyn sozǵan, - dedi qala ákiminiń orynbasary Olga Býlavkina.
Atalmysh shara aiasynda qala ákiminiń orynbasary Olga Býlavkina qalamyzdaǵy áleýmettik salanyń damýyna demeýshilik kórsetip júrgen oblystyq drama teatrynyń direktory Dinmuhamed Uiabai, oblystyq sáýlet-etnografiialyq jáne tabiǵi landshaftyq murajai-qoryǵynyń direktory Nikolai Zaitsev, «Óskemen mai zaýyty» JShS-nyń direktory Ilia Batov, «VEK-STROI» JShS-nyń direktory Vasilii Lysianskii syndy birqatar azamattarǵa alǵys hattaryn tabystady.
Elimizdiń áleýmettik salasy búgingi kúnge ońai jetken joq. Ásirese, táýelsizdigimizdiń alǵashqy jyldarynda kóptegen qiynshylyqtar oryn aldy. Járdemaqylar men zeinetaqylardyń ýaqytynda berilmegen kezderi de kóp boldy. Al qazir jaǵdai múldem basqa. Bilik áleýmettik salaǵa túbegeili bet burdy. Bul salaǵa bólinetin qarjynyń kólemi de jyl sanap artyp keledi. Óńirimizde áleýmettik-meditsinalyq qyzmet kórsetetin mekemelerdiń sany da kóbeiýde. 2002 jyly oblysymyzda ardagerler men múgedekter úshin Shemonaiha aýdanynyń Vydriha aýylynda «Ýba» shipajaiy ashyldy. Osy oraida, mundai shipajai respýblika kóleminde joq ekenin aita ketken jón.
Jalpy qazirgi kúni óńirimizde eki myńǵa jýyq áleýmettik sala qyzmetkerleri jemisti eńbek etip júr. Súringendi súiep, jyǵylǵanǵa demep, adam balasyna tek jaqsylyq jasap júrgen abzal jandardy oblystyq jumyspen qamtý jáne áleýmettik baǵdarlamalardy úilestirý basqarmasynyń basshysy Elena Starenko, oblystyq ardagerler keńesiniń tóraǵasy Aitqazy Sherýbaev, «Nur Otan» partiiasynyń Óskemen qalalyq filialy tóraǵasynyń birinshi orynbasary Mairash Ekibasova, qalalyq jumyspen qamtý jáne áleýmettik baǵdarlamalar bóliminiń basshysy Máýlihat Qusainova, qalalyq ardagerler keńesiniń tóraǵasy Sergei Deniakin quttyqtap, alǵys hattar tabystady.
Sahna tórinde tógilgen án de, tartylǵan kúi de áleýmettik sala qyzmetkerlerine arnaldy. Bul kúni eńbegi elenip, qala ákiminiń alǵys hatymen marapattalǵan jandardyń biri, qalalyq jumyspen qamtý jáne áleýmettik baǵdarlamalar bóliminiń ekonomikalyq taldaý, býhgalterlik esep jáne memlekettik satyp alýlar sektorynyń bas mamany Gúlmira Ibraeva eń úzdik, eń myqty qyzmetkerler – áleýmettik salada qyzmet etetinin jetkizdi.
Ajar SAǴATBEKOVA
