Búgingi tańda elimizde 6,3 mln-nan astam adam - mindetti áleýmettik saqtandyrý júiesiniń qatysýshysy, dep habarlaidy "Ult aqparat" QR Eńbek jáne halyqty áleýmettik qorǵaý ministrliginiń baspasóz qyzmetine silteme jasap.
«Memlekettik áleýmettik saqtandyrý qory» AQ-nan 2005-2019 jyldary 4,6 mln adam jalpy somasy 1,2 trln teńgeden astam áleýmettik tólem aldy.
«Áleýmettik saqtandyrý – jumys isteitin azamattar úshin áleýmettik qamsyzdandyrýdyń qosymsha nysany. 2019 jyly mindetti áleýmettik saqtandyrý júiesi týraly halyqtyń habardarlyǵyn arttyrý maqsatynda Memlekettik áleýmettik saqtandyrý qorynyń 17 filialynda 68 ashyq esik kúni ótkizildi», delingen habarlamada.
Ótken aptada analarǵa jáne bolashaq analarǵa arnalǵan sheberlik sabaǵy formatyndaǵy sońǵy is-sharalar ótti. Oǵan MÁSQ, «Azamattarǵa arnalǵan úkimet» memlekettik korporatsiiasy mamandary, sondai-aq meditsinalyq ortalyqtardyń ókilderi, tulǵalyq ósýdiń koých-trenerleri qatysty.
Áleýmettik saqtandyrý júiesine qatysýshylarǵa birqatar aqparattyq jáne konsýltatsiialyq qyzmet usyný jáne qor usynatyn elektrondyq memlekettik qyzmetterdi keńinen taratý maqsatynda ashyq esik kúnderi ótkizildi.
Áielderge 1 jasqa deiingi balany kútip-baǵý úshin áleýmettik tólemdi proaktivti formatta tóleý múmkindigi týraly aityldy, munda tólem jasaý maqsaty týraly áleýmettik qorǵaý organdarynyń SMS-habarlamasyna jaýap berip, bank shoty týraly aqparatty jiberý kerek. Biylǵy jyldyń 11 aiynda osy qyzmet boiynsha 13 246 adamǵa tólem somasy taǵaiyndalǵan.
Sonymen qatar, 2019 jyly mindetti áleýmettik saqtandyrý júiesi týraly aqparattandyrý maqsatynda halyqpen 1280 aqparattyq túsindirý kezdesýi ótkizilip, oǵan 46 304 azamat qatysty.
