«Áleýmettik meditsinalyq saqtandyrý qory» kommertsiialyq emes aktsionerlik qoǵamy jyl basynan beri memlekettik tapsyrys boiynsha kórsetilgen qyzmetter úshin 630 mlrd teńge tóledi. Qarjy kepildendirilgen tegin meditsinalyq kómek toptamasy aiasynda bólindi, dep habarlaidy "Ult aqparat" atalǵan qordyń baspasóz qyzmetine silteme jasap.
«2019 jyly 19 tamyzyndaǵy málimetter boiynsha, qormen kelisimshart bekitken jetkizýshi kompaniialarǵa 630 mlrd teńge tólendi. Bul kepildendirilgen meditsinalyq kómek toptamasy aiasynda bekitilgen kelisimsharttardyń jalpy somasynyń 71 paiyzy», - dedi ÁMSQ basqarma tóraǵasynyń orynbasary Botagóz Jaqselekova.
2019 jyly ÁMSQ kepildendirilgen kómek túrlerin kórsetýge qulshynys bildirgen meditsina uiymdarymen 889 mlrd teńgeniń kelisimshartyn bekitken bolatyn. Bul ótken jyly bólingen qarjydan 6 paiyz artyq.
«Jumys kestege sai júrip jatyr», - dedi Botagóz Jaqselekova.
Biyl memlekettik tapsyrysty oryndaýǵa 1416 meditsina uiymy atsalysyp jatyr. Onyń ishinde 708 jeke menshik klinika da bar. Biyl olardyń sany 2018 jylmen salystyrǵanda 64-ke artqan.
Memleketten tapsyrys alǵan jeke menshik klinikalar sany jaǵynan Shymkent, Nur-Sultan, Almaty qalalary men Qyzylorda jáne Jambyl oblystary kósh bastap tur.
