Áleýmettik meditsinalyq saqtandyrý qorynyń burynǵy basshylyǵy qor qarajatyn urlaý kúdigine ilindi. Bul týraly QR Sybailas jemqorlyqqa qarsy is-qimyl agenttigi 1-shi departamenttiń aǵa tergeýshisi Qaisar Barjaqsynov aitty, dep habarlaidy QazAqparat.
«Sybailas jemqorlyqqa qarsy qyzmet satyp alynatyn qyzmetterdiń qunyn kóterý arqyly «Áleýmettik meditsinalyq saqtandyrý qory» KEAQ-nyń qarajatyn jymqyrý faktisi boiynsha sotqa deiingi tergeýdi bastady. QR Qylmystyq is júrgizý kodeksiniń 201-babyna sáikes ózge aqparat tergeý múddesi úshin jariialaýǵa jatpaidy», - dedi ol agenttiktiń baspasóz qyzmeti alańynda ótken brifing barysynda.
Eske sala ketsek, Memleket basshysy Qasym-Jomart Toqaevtyń tóraǵalyǵymen ótken Úkimettiń keńeitilgen otyrysynda MÁMS qory men «SQ Farmatsiia» basshylaryn jumystan shyǵarýdy tapsyrǵan bolatyn.
QR Densaýlyq saqtaý ministriniń 2020 jylǵy 10 shildedegi buiryǵymen berilgen ótinish negizinde «Áleýmettik meditsinalyq saqtandyrý qory» KEAQ Basqarma tóraǵasy Aibatyr Jumaǵulov qyzmetinen bosatyldy.
