Jyl basynan beri áleýmettik mańyzy bar azyq-túlik taýarlary 9,6% ósti. Bul týraly QR Saýda jáne integratsiia ministri Baqyt Sultanov aityp berdi, dep habarlaidy "Ult aqparat".
«Jyl basynan beri áleýmettik mańyzy bar azyq-túlik taýarlary baǵasynyń ósýi 9,6%-ti qurady, bul ótken jylmen salystyrǵanda 0,6 protsenttik tarmaqqa tómen. Bul rette 4,1 protsenttik tarmaqqa negizgi ósim tótenshe jaǵdai kezeńinde tirkeldi. Máselen, 17-24 naýryz aralyǵynda baǵalar rekordtyq 1,7 protsenttik tarmaqqa ósti», - dedi Baqyt Sultanov Úkimet otyrysynda.
Baǵany turaqtandyrý úshin taýarlardyń 9 túrine shekti baǵalar bekitildi, 7 túriniń eksportyna tyiym salyndy jáne 6 túrin elden shyǵarýǵa ai saiyn kvota belgilendi.
Sonymen birge, qosylǵan qun salyǵynyń stavkasy 12%-ten 8%-ke deiin tómendetildi.
«Qabyldanǵan sharalardyń nátijesinde baǵa ósimi toqtady. Alaida, biylǵy jyldyń 4 toqsanynda qazan aiynda – 2,8% jáne qarashada – 2,3% baǵa ósimi taǵy tirkelip otyr», - deidi B. Sultanov.
