Elordada 42,5 myń teńge kólemindegi áleýmettik kómekti 61 myńnan astam adam aldy. Bul týraly Nur-Sultan qalasynyń ákimi Altai Kólginov Instagram paraqshasynda jazdy, - dep habarlaidy QazAqparat.
«Elordada 42,5 myń teńge kólemindegi áleýmettik kómekti 61 myńnan astam adam aldy. Osyndai kómek alý úshin 200 myńnan astam ótinim kelip tústi. Memleket basshysynyń tapsyrmasyna sáikes áleýmettik tólem alýshylardyń tizimi keńeitildi. Ótinimderdi « Azamattarǵa arnalǵan úkimet « KEAQ jáne memlekettik áleýmettik saqtandyrý qorymen (MÁSQ) birge qarastyryp jatyrmyz. Qalalyq shtab demalyssyz kúsheitilgen tártipte jumys isteidi», - dep atap ótedi qala basshysy.
Onyń dereginshe, ótinishti «Elektrondyq úkimet» veb-portaly, telegrambot egov.kz nemese 42500.enbek.kz saity arqyly elektrondyq formatta berýge bolady. Qosymsha aqparat alý úshin jumyspen qamtý jáne áleýmettik qorǵaý basqarmasyna 55-14-87, 55-01-74, 55-69-59, 55-67-12 telefondaryna jáne 109 (iKomek) nómirine habarlasý qajet.
«Sondai-aq, halyqty qoldaýdyń basqa da sharalaryn iske asyryp jatyrmyz. 4 AEK mólsherinde qosymsha áleýmettik kómekti 41 myń otbasy alady. Olar – I,II, III toptaǵy múgedektigi bar azamattar, erekshe qajettiligi bar balalar, erekshe qajettiligi bar balanyń kútimimen ainalysatyn ata-analar, AÁK alýshylar. Elbasynyń tapsyrmasyna sáikes halyqtyń áleýmettik álsiz toptaryna «Birgemiz« QQ kartaǵa 50 000 teńge aýdara bastady. Sonymen qatar, «Nur Otan« partiiasymen birlese otyryp, «Birgemiz« aktsiiasy aiasynda 6 myń az qamtylǵan otbasyǵa azyq-túlik sebeti berildi. Naýryz aiynda azyq-túlik sebeti túrindegi kepildi áleýmettik paketti 2700 otbasydan astam aldy, 4,5 myń bala qamtyldy. Memlekettik áleýmettik kómek sáýir aiynda da beriledi. Jyl basynan beri (AÁK) ataýly áleýmettik kómek 3 myń 400 otbasyǵa taǵaiyndaldy»,- dedi Altai Kólginov.
