QR Eńbek jáne halyqty áleýmettik qorǵaý ministri Serik Shápkenov Qazaqstannyń áleýmettik qamsyzdandyrý júiesin jaqsartýǵa baǵyttalǵan Áleýmettik kodekstiń qalai ázirlenip jatqanyn aityp berdi, dep habarlaidy QazAqparat.
«Áleýmettik kodekste ómirdiń túrli kezeńderinde túrli jaǵdaiǵa bailanysty kórsetiletin áleýmettik qorǵaý jáne qoldaý sharalarynyń tutas kesheni júielendiriledi. Ol Memleket basshysynyń tapsyrmasymen ázirlenip jatyr. Kodekste áleýmettik qamsyzdandyrý júiesin sapaly jaqsartýǵa baǵyttalǵan negizgi tásilder qalyptastyryldy. Onyń birinshisi – áleýmettik quqyqtar men kepildikterdi qamtamasyz etý sharalaryn kúsheitý, ekinshisi – azamattardy áleýmettik qoldaýdy jańǵyrtý», - dedi ministr halyqqa esep berý kezdesýinde.
Úshinshisi – áleýmettik standarttardy usynýdyń integratsiialanǵan modelin engizý, tórtinshisi – memlekettik qyzmetterdi transformatsiialaý jáne olardyń reinjiniringi jáne besinshi tásilde – áleýmettik institýttardy reformalaý kózdeledi.
«Áleýmettik kodeksti qabyldaý keleshekte azamattardyń óz áleýmettik quqyqtary men mindetteri týraly biryńǵai bilim kózin qurýǵa, áleýmettik quqyqtar men kepildikterdi qamtamasyz etý boiynsha aldyn alý sharalaryn qabyldaýǵa jáne azamattardyń áleýmettik qorǵalýyn arttyrýǵa múmkindik beredi», – deidi Serik Shápkenov.
