Koronavirýstyń qaita órtship ketpeýi úshin keibir áleýmettik sharalardy 2022 jylǵa deiin saqtaý qajettiligi týyndaýy múmkin. Bul týraly ǵalymdar aitty, dep jazady The Guardian.
«Science jýrnalynda jariialanǵan zertteý nátijelerinde ǵalymdar bir rettik karantin koronavirýsty jeńý úshin jáne Pandemiiany tolyq baqylaýǵa alý úshin jetkiliksiz bolýy múmkin ekenin jazǵan. Vaktsina tabylmasa nemese COVID-19-dy emdeýdiń tiimdi ádisteri tabylmasa, virýstyń taralýy 2025 jylǵa deiin toqtamaýy múmkin», - dep jazady basylym.
Garvard ýniversitetiniń epidemiologiia professory Mark Lipsichtiń aitýynsha, infektsiia virýs juqtyrý qaýpi bar adam barda tarala beredi. Eger ujymdyq immýnitet bolmasa, adamdardyń kóbi virýs juqtyrýy múmkin.
«Úkimetter halyqty shekteý sharalaryn satylap jumsartyp, jańa juqtyrý jaǵdailaryn baqylaýǵa alýy múmkin. Degenmen, 70 jastan asqan adamdar men aýrýy bar adamdardyń qashyqtyqty saqtaýy, adamdar kóp júretin jerge barmaýy sekildi erejeler saqtalýy tiis. Eger vaktsina nemese em tabylsa, áleýmettik qashyqtyqty saqtaý qajettiligi bolmaidy», - dep jazylǵan maqalada.
