QR Premer-Ministri Álihan Smaiylov Úkimet otyrysyn ótkizdi, onyń barysynda áleýmettik-eńbek salasyn tsifrlandyrý máselesi qaraldy. Eńbek jáne halyqty áleýmettik qorǵaý ministri Serik Shápkenov jáne tsifrlyq damý, innovatsiialar jáne aeroǵarysh ónerkásibi ministri Baǵdat Mýsin baiandama jasady, dep habarlaidy "Ult aqparat" primeminister.kz saityna silteme jasap.
Biylǵy 1-qańtardaǵy málimet boiynsha áleýmettik-eńbek salasynda barlyǵy 12,6 mln memlekettik qyzmet kórsetildi, onyń 9,1 mln nemese 72%-y elektrondyq túrde kórsetildi.
Úkimet basshysy atap ótkendei, tsifrlandyrý memlekettik servistiń barlyq túrin qamtýy tiis, bul úshin memlekettik organdardyń aqparattyq júielerin túgel integratsiialaý qajet. Sonymen qatar memlekettik qyzmetter 100% smartfon arqyly qoljetimdi bolýy tiis.
Birinshi kezekte halyq eń kóp júginetin áleýmettik eńbek salalaryna tsifrlyq transformatsiia qajet.
«Jumyspen qamtý salasyndaǵy memlekettik qyzmetterdiń qoljetimdiligi men ashyqtyǵyn qamtamasyz etý úshin biryńǵai aqparattyq júie qurýdy aiaqtaý qajet», — dedi Smaiylov.
Úkimet basshysy tsifrlyq formattyń múgedektigi bar adamdar úshin óte mańyzdy ekenin atap ótti. Sondyqtan, olarǵa arnalǵan barlyq qyzmetti, ásirese, múgedektikti meditsinalyq-áleýmettik saraptama arqyly syrttai belgileý qyzmetin tsifrlandyrý kerek.
Áleýmettik-eńbek salasyn tsifrlandyrýdy kúsheitý úshin Premer-Ministr Á. Smaiylov Eńbek jáne halyqty áleýmettik qorǵaý ministrligine ákimdiktermen jáne «Atameken» palatasymen birlesip, jyl sońyna deiin jumyspen qamtýǵa járdemdesýdiń barlyq sharalaryn elektrondyq formatqa aýystyrýdy qamtamasyz etýdi jáne jumys izdep júgingen azamattardyń keminde 40%-yna onlain rejimde qyzmet kórsetýdi tapsyrdy. Tsifrlyq damý ministrligine Eńbek ministrligimen birlesip, biylǵy jylǵy 25-naýryzǵa deiin Smart Data Ukimet bazasynda «Otbasynyń tsifrlyq kartasy» jobasyn iske asyrý jumystaryn aiaqtaý júkteldi.
Budan basqa, Eńbek jáne halyqty áleýmettik qorǵaý ministrligine Densaýlyq saqtaý ministrligimen jáne ákimdikterimen birlesip, a.j. 1-maýsymǵa deiin meditsinalyq aqparattyq júielerdi «múgedektikti syrttai belgileý» jobasyna qosý jáne memlekettik qyzmettiń osy túrin syrttai alatyn adamdardyń úlesin 20%-ǵa deiin jetkizý tapsyryldy.
