12 maýsym kúni Almaty oblysynyń ákimdigi Farmatsiia komitetiniń Almaty oblysy boiynsha departamentimen jáne Farmatsevtikalyq qyzmetti qoldaý men damytýdyń Almaty oblysy boiynsha qaýymdastyǵymen birlesip dári-dármek pen meditsinalyq quraldardyń baǵasyn ustap turý jóninde memorandýmǵa qol qoiǵan bolatyn. Memorandým sharttarynyń júzege asyrylý máseleleri búgin oblys ákiminiń orynbasary Jaqsylyq Omardyń tóraǵalyǵymen ótken jiynda qaraldy.
Memorandým jasasqandaǵy basty maqsat - halyqtyń áleýmettik áljýaz toptaryna qoldaý kórsetý. Atalmysh qujatqa sáikes bólshek saýda ókilderi baǵany ustap turýdyń áleýmettik jaýapkershiligin ózine alyp otyr. Jii qoldanylatyn dáriler men meditsinalyq buiymdardyń 120 atalymynyń baǵasy tirkeldi. Olardyń 109-y – otandyq óndirýshiler. Memorandým 2017 jyldyń sońyna deiin kúshinde bolady.
«Nur Otan» partiiasynyń oblystyq filialy memorandýmnyń is júzinde qalai oryndalyp jatqanyna taldaý jasady. «Nur Otan» partiiasy oblystyq filialynyń tóraǵasynyń birinshi orynbasary Ǵaliasqar Sarybaevtyń aitýynsha, búginge deiin dárihana júieleri internet-resýrstarynyń bir de birinde memorandýmǵa engizilgen dári-dármek pen meditsinalyq buiymdar ataýlarynyń tizimi jariialanbaǵan. Bul olqylyqtyń ornyn toltyrý qajet. Tizim oblys dárihanalarynyń barlyǵynda kórnekti jerde ilinip turýy tiis. Bul rette Ǵ. Sarybaev monitoring jasaý maqsatynda oblystyń 50 dárihanasynda bolǵanyn aitty. Partiialyqtar monitoringini odan ári jalǵastyryp, oblystyń 989 dárihanasynyń barlyǵyn qamtýdy kózdep otyr.
Jiynda dárihana júieleriniń ókilderi, sondai-aq «Almaty oblysynyń famatsevtikalyq salany qoldaý men damytý qaýymdastyǵy» ZTB ókili Damir Mýliýkov sóz aldy. Olar memorandýmda kórsetilgen kelisimdi oryndaýǵa jaýapkershilik alatyndaryn jáne aitylǵan kemshilikterdi jýyq arada joiatyndaryn aitty.
Jiyndy oblys ákiminiń orynbasary J. Omar qorytyndylady.
- Elbasy memleket pen biznes birge jumys isteýi kerektigin, bir-birin qoldaýy qajettigin únemi aitady. Bul baǵytta biz sizdermen birlesip jumys júrgizýimiz kerek. Óitkeni bizdiń maqsatymyz ortaq – halyqtyń densaýlyǵyn saqtaý men nyǵaitý. Biznestiń áleýmettik jaýapkershiligin esten shyǵarmańyzdar. Bul - asa mańyzdy másele. Biz óz tarapymyzdan sizderge qajetti qoldaý kórsetýge tyrysamyz. Qazir quramyna «Nur Otan» partiiasynyń músheleri, ákimdikterdiń, ÚEU, BAQ, farmatsevtikany qoldaý men damytý qaýymdastyǵynyń, iri dárihanalar júieleriniń ókilderi kiretin jumys toby qurylady. Usynys engizińizder, jaǵdaidy saraptap qaraiyq, barlyq taraptyń pikirlerin eskere otyryp, týyndaǵan máselelerdiń tiimdi sheshimin tabaiyq. Biz qol qoiylǵan úshjaqty memorandým sharttarynyń oryndalýyna únemi monitoring jasaityn bolamyz, - dedi J. Omar.
Sol siiaqty oblys ákiminiń orynbasary áleýmettik dárihanalar qurý qajettigin de atap ótti.
