Qazaqstan Jazýshylar odaǵy asa kórnekti aqyn, Qazaqstannyń Halyq jazýshysy, Memlekettik syilyqtyń iegeri Ǵafý Qaiyrbekovtyń týǵanyna 90 jyl tolǵan mereitoiyna orai «Álemniń jaryǵyn syiladyń sen maǵan» atty respýblikalyq jabyq jyr músháirasyn ótkizedi.
Músháiranyń maqsaty: Ult ádebietine ólsheýsiz úles qosyp, qazaq poeziiasyn jańa biikke kótergen Ǵafý Qaiyrbekovtyń aqyndyq bolmysy men shyǵarmashylyǵyn nasihattaý, sol arqyly óskeleń urpaqty eli men jerin súiýge, otanshyldyqqa tárbieleý.
Músháiranyń sharttary: Músháiraǵa kez-kelgen aqyn úsh óleńimen búrkenshik atpen qatysa alady. Birinshi óleń Ǵafý Qaiyrbekovke arnalady. Ekinshi óleń ana týraly bolýy shart. Úshinshi óleń erkin taqyrypta. Aqyndardyń jasyna shek qoiylmaidy.
Shyǵarmalar Microsoft Word formatynda (14 keglde (shrift), jolarasy 1 interval, Times New Roman qarpimen) búrkenshik atpen joldanýy kerek.
Birinshi konvertke aqyn týraly tolyq málimetter (aty-jóni, meken-jaiy, bailanys telefony) jazylyp, syrtyna búrkenshik aty belgilenip, sol konvert óleńdermen birge ekinshi konvertke salynýy kerek. Buryn jariialanǵan jáne talapqa sai kelmeitin shyǵarmalar qabyldanbaidy.
Shyǵarmalardy baǵalaǵanda: - óleńderdiń taqyrybynyń baiqaý maqsatyna sáikestigine, shyǵarmanyń mazmunyna, kórkemdik sapasyna nazar aýdarylady.
Qazylar alqasynyń sheshimi qaita qaraýǵa jatpaidy. Qazylar alqasy júldelerdi bólip berýge quqyly. Shyǵarmalar 2018 jyldyń 10-qazanyna deiin qabyldanady.
Júlde qory:
Bas júlde – bireý. (500 000 teńge)
I oryn – bireý. (300 000 teńge) II oryn – ekeý.
(200 000teńge) III oryn – úsheý (100 000teńge)
Yntalandyrý syilyǵy beseý (25000 teńge)
Shyǵarmalar tómendegi meken-jaiǵa joldanýy kerek: Abylaihan kóshesi, 105 úi, 52 kabinet.
