«100 jańa oqýlyq» jobasy aiasynda qazaqstandyqtar álemniń damyǵan elderiniń tarihyn, bilimin, filosofiiasyn, ádebietin qazaq tilinde oqi alady, dep málimdedi Memleket basshysy Nursultan Nazarbaev «Habar» telearnasyna bergen suhbatynda.
«Biz qazir dúnieniń ósken-órkendegen elderimen teń bolamyz dep júrmiz. Biraq ta, orys tilinen aýdarǵan keibir Batystyń zamanaýi oqýlyqtarynan basqa, qazaq tiline aýdarylǵan eshbir oqýlyq joq. Tek qana óz tarihymyzdy emes, álemniń úzdik oqýlyqtaryn aýdarýdy jańa Táýelsizdik alǵan memleketter arasynda tuńǵysh ret qolǵa alyp otyrmyz. Bizdiń oqyǵan oqýlyqtarymyzdy aitaiyq, filosofiiadan, tarihtan, mádeniettanýdan jáne basqa da salalarda dúniejúziniń úzdik oqýlyqtary bar, olar da qazaq tiline aýdarylǵan joq. Bizdegi joǵary oqý oryndaryn soǵan beiimdeitin bolsaq, balalar Batystyń barlyq tarihyn, mádenietin, júris-turysyn biletin bolady. 30 eldiń arasyna kiremiz desek, solardyń tarihyn, bilimin, filosofiiasyn, ádebietin qazaq tilinde oqýǵa múmkinshiligimiz bolady. Osyndai oqýlyqtardy aýdaratyn arnaiy biýro quryldy. Meniń bilýimshe, 17 oqýlyq baspaǵa daiyndalyp jatyr», - dedi N.Nazarbaev.
Sondai-aq, suhbatta Elbasy «Bolashaqqa baǵdar: rýhani jańǵyrý» baǵdarlamalyq maqalasynyń halyq tarapynan jaqsy qoldaýǵa ie bolǵanyn atap ótti.
