Djakartada ótip jatqan Aziia oiyndarynda bokstan álemniń eki dúrkin chempiony Nazym Qyzaibai júldesiz qaldy.
QR Ulttyq olimpiada komiteti baspasóz qyzmetiniń habarlaýynsha, búgin shirek final básekesinde áielder arasynda 51 kelide el namysyn qorǵaǵan Nazym Qyzaibai taipeilik sportshydan jeńilip, Aziia oiyndaryn aiaqtady.
Sonymen qatar, búgin erler arasynda 75 kelige deiingi salmaqta judyryqtasatyn Ábilhan Amanqul Aziia oiyndarynyń jartylai finalyna ótti. Ábilhan taipeilik boksshymen kezdesip, qarsylasyn eki ret eseńgiretti.
Jekpe-jek nátijesi boiynsha aiqyn basymdyqpen jeńiske jetken Ábilhan endi Aziia oiyndarynyń jartylai finalynda judyryqtasady. Ábilhannyń kelesi qarsylasy - úndistandyq Vikas Krishan.
Esterińizge sala keteiik, osyǵan deiin jarys jolynda úsh boksshy qalǵanyn jariialaǵan bolatynbyz.
