Bul belgisiz gepatitten 650-ge jýyq bala zardap shegip úlgergen. Infektsiianyń eń kóbi Ulybritaniia men AQSh-ta tirkeldi, dep habarlaidy QazAqparat agenttigi dw.com saityna silteme jasap.
Sáýir aiynyń basynan tarai bastaǵan belgisiz gepatit 33 eldegi 650 baladan anyqtaldy. Eń kóp juqtyrǵan jetkinshekter Ulybritaniiada turady (222) jáne AQSh-ta (216).
Dúniejúzilik densaýlyq saqtaý uiymynyń habarlaýynsha, Tynyq muhitynyń batys bóligi, Ońtústik-Shyǵys Aziia jáne Shyǵys Jerorta teńizi elderi de jańa gepatitten zardap shekken. Infektsiia Argentina, Avstriia, Belgiia, Bolgariia, Kanada, Kipr, Daniia, Frantsiia, Gretsiia, Indoneziia, Irlandiia, Izrail, Italiia, Japoniia, Maldiv, Meksika, Moldova, Niderlandy, Norvegiia, Palestina avtonomiiasy, Panama, Polsha, Portýgaliia, Ońtústik Koreia, Rýmyniia, Serbiia, Singapýr, Slovakiia, Sloveniia, Ispaniia jáne Shvetsiia elderinde baiqalǵan.
Germaniia men Reseide jańa gepatit jaǵdailary áli anyqtalǵan joq. EO elderinde 75-ten astam infektsiia bes jasqa deiingi balalarda kezdesken. DDU habarlamasynda bul balalardyń baýyrynyń damý baiaýlyǵynan ekeni aitylǵan. Jaǵdailardyń 6 paiyzynda balalarǵa baýyr transplantatsiiasy qajet boldy, 9 búldirshin kóz jumdy.
Sonymen qatar, mamandar infektsiianyń kózi men qozdyrǵyshtyń juǵý ádisterin áli naqty anyqtai almai jatyr. Alaida, keibir naýqastardan adenovirýs pen koronavirýs belgileri bar.
«Gepatit osy virýstardan keiin asqyný retinde paida bolady» degen derekter de joq emes. DDU bul gipotezany zertteýdi jalǵastyrýda. Dárigerler belgisiz gepatit pen infektsiianyń alǵashqy jaǵdailaryn sáýir aiynyń basynda anyqtady.
5 sáýirge deiin DDU Ortalyq Shotlandiiadaǵy balalardyń naýqastanýynyń on deregin, 8 sáýirge deiin búkil Ulybritaniiada 74 jaǵdai tirkelgenin bildi. 23 sáýirde DDU bir aida 16 jasqa deiingi balalarda 169 infektsiia juqtyrý deregin málimdedi. Osy jaǵdailardyń eshqaisysynan ǵalymdar A, V, S, D jáne E gepatitteriniń belgili virýstaryn tappady.
