2021 jyly Aqparat jáne qoǵamdyq damý, Syrtqy ister ministrlikteriniń qoldaýymen «Otandastar qory» álemniń 12 elinde qazaq tilin oqytý boiynsha 31 onlain synyp ashty, dep habarlaidy "Ult aqparat".
Ministrlik málimetinshe, tamyz jáne jeltoqsan ailarynda sabaqtar speaking club (sóilesý klýby) formatynda ótkizildi.
«Bul Túrkiia, Resei, AQSh, Ulybritaniia, Belgiia, Germaniia, Frantsiia, Iran, Qyrǵyzstan, Ýkraina, Mońǵoliia jáne Belarýstegi qazaq diasporalarynyń 1 391 ókiline 780 onlain sabaq ótkizýge múmkindik berdi. 336 qatysýshyǵa sertifikat berildi.
Sonymen birge qazaq tilin óz betinshe úirený múmkindikterin jasaý maqsatynda 30 onlain-sabaq YouTube-te shyǵaryldy», delingen habarlamada.
Vedomstvonyń habarlaýynsha, biyl qandastarmen mádeni-gýmanitarlyq bailanystardy nyǵaitýǵa, qazaq halqynyń mádeni murasyn ilgeriletýge baǵyttalǵan basqa da mańyzdy sharalar iske asyrylyp jatyr.
Esterińizge sala keteiik, biyl Qyrǵyz Respýblikasynyń astanasynda «Abai üii» mádeni-iskerlik úii ashyldy. Osylaisha, mádeni-iskerlik úiler jumys isteitin elder sany altaý boldy: Túrkiia, Germaniia, Ýkraina, Resei, Ózbekstan jáne Qyrǵyzstan.
Qazaqstan Táýelsizdiginiń 30 jyldyǵyna orai Aqparat jáne qoǵamdyq damý, Syrtqy ister ministrlikteriniń qoldaýymen «Otandastar qory» men Dúniejúzi qazaqtary qaýymdastyǵy uiymdastyrǵan Qazaqtardyń kishi quryltaiy erekshe mańyzdy boldy. Kishi quryltai biyl qyrkúiek aiynda Ystanbulda ótti.
Sondai-aq, aǵymdaǵy jyly Qazaqstan-Nemis dostyǵy qaýymdastyǵymen jáne Japoniiadaǵy qazaqtar qaýymdastyǵymen yntymaqtastyqty damytý boiynsha 2 memorandýmǵa qol qoiyldy.
Qazaq mádeni ortalyqtarymen, qazaq qaýymdastyqtarymen, shet elderdegi QR mekemelerimen mádeni-gýmanitarlyq jáne iskerlik bailanystardy damytý jáne keńeitý maqsatynda 2021 jyly álemniń 20 elinen 4 500-den astam otandastyń qatysýymen 15 is-shara, 20 kezdesý, 4 konferentsiia, 4 onlain-oflain joba ótkizildi.
